ياه الموضوع خلص لحد هنا وجه وقت كتابة الرد ..ياخسارة كان نفسي الموضوع يكمل لساعة كمان ولا حاجه ..اصل انا بقالي اربع ساعات بقرأ في الموضوع من بعد صلاة الفجر لحد دلوقتي ..وما ملتش وقريت كلمه كلمه
بصراحة العربية عجباني جدا وداخله مزاجي وان شاء الله هتكون اول عربية اركبها في حياتي ..والغريبة ان دي اول عربية قررت اشتريها لما نويت اشتري عربية ولكن واحد صاحبي الله يسامحه كان ناقص يضربني عشان مجبهاش وقفلت منها من كلامه ...وخدت لفه طويله علي انواع تانية واضطريت اجي على نفسي واطلع لفئات سعرية اعلى واحتار واضايق . وسبحان مقلب القلوب لفيت لفيت ورجعت لـ لوجي بس المرة دي بعد ما اقتنعت بيها جدا و كونت عنها فكرة كبيرة وعرفت ايه عيوبها وايه مميزاتها والبركة في المنتدى والناس الكويسة اللي في المنتدى
واحب ان اشكر بشدة الاستاذ عمرو ( رينجو) ..بجد الراجل دا محترم وربنا هيجازيه خير ..وما شاء الله عليه باله طويل و صدره واسع > وسع اللوجان
<
وما بخلش بمعلومة ولا اتنرفز من كتر التساؤلات والالحاحات الكتيرة والمكررة
ربنا يباركلك ويوسع عليك ويحفظك ويجعلك عون لكل محتاج يا عمرو في الشهر الكريم والايام المفترجة دي
ياريت يا جماعة تكملوا مناقشة في الموضوع الجميل واللي بعتبره موسوعه سواء المقبل على شراء السيارة دي او اللي بقت عنده بالفعل
وكل سنة وانتم طيبين وشعب مصر بخير