السلام عليكم عوز احل مشكله الدريكسيون والثبات لاني بقود علي الطرق السريعه
|
يعنى المشكلة إن الدركسيون فيه بوش زيادة (جزء بيلف عالفاضى) و ده بيقلل تحكمك فى العربية على الطرق السريعة, صح كده؟
لو دى المشكله يبقى تلم البوش من علبة الدركسيون
(تحت علبة زيت الفرامل هتلاقى علبة الدركسيون)
فيها صامولتين, واحدة مقاس 8 مربعة الشكل, دى عبارة عن طبه, تفكها و تزود زيت دركسيون (نفس نوع زيت الفتيس و الكارونه, زيت ثقيل و فى ناس بتملاها شحم, بس الأصح زيت ثقيل)
و بعد كده هتلاقى جنبها على وش علبة الدركسيون صامولة كبيرة جواها مسمار
هتهوى الصامولة و تلف المسمار إللى جواها بمفك عادة لفة صغيرة و ترجع تقرط تانى الصامولة عليه, و جرب.
اللادا طول عمرها كده, مشاكلها لا تنتهى, اللى مصبر الواحد عليها إنها على قد لحافك و ربنا يكرمنا و اللحاف يستر
أعانك الله