[strong2008r]

المشاركة الأصلية كتبت بواسطة romeoalmansour سيدي الفاضل الموتور (K9K) موجود بس سعره غالي جدا وعشان يشتغل علي عربيتك عايز تغير ضفيرة وكمبيوتر عربية حضرتك مش هتلاقي فيها مكان تحط صباعك فيه - مش ذي الهوندا مثلا . العربية الفرنساوي حساسه جدا وطبعا مفيش مكان تركب فيه مبرد الهوا فالكمبيوتر هيحث ان الهواء سخن وكميه الهواء اللي داخله كبيرة وفي نفس الوقت درجة حرارة المياه بارده فهيقوم الكمبيوتر فاصل البنزين فورا - وعشان كدا في الهوندا بتغير الكمبيوتر او بتغير الشريحة اللي عليها البيانات (نفس شريحه العربية التربو) - دا غير ان الذياده في قدرة المحرك مش هتذيد بالشكل اللي انت فاكره يبقي لما تركب تربو هتلغي حساسات - ودا في الفرنساوي صعب جدا - وعربيتك لسي جديدة - انا راي تسيب عربيتك ذي ما هي والله اعلي واعلم

المشاركة الأصلية كتبت بواسطة ramy safwt الخطوة دية هتخرجك من الضمان ده شئ مؤكد انت كده رحت بعيد جدا تربو الكهرباء و تربو اللى بيركب على سير الدينامو بيكونو باردين اساسا مفيش اى تعديل للحساسات هتلغى فلتر الهواء بتاع العربية و يهسقط مكانه التربو و خرطوم منه هيوصل على دخل الهواء و الاير ماس راكب و الدنيا كلها راكبة بالنسبة لسينسور الحرارة فمش هيتعمل اى تعديل فيه كل القصة هيتفتحله فتحة فى الخرطوم اللى جى مع التربو و هيركب فيها و شكرا على كده بدون ما يتلغى ولا يتعمل فيه خربوش حتى وقت ما تحب تفكه هتفك عادى و ترجعه بمساميرة للفلتر بتاع العربية و طبعا مش هيحصل تغيير للكمبيوتر ولا حاجه هيفرق معاه لكن زى ما وضحت مقدرش افتى الا اما اقيس المكنة و اعرف هتفرق قد ايه بالظبط المشكلة اللى لازم نكون فيها صرحاء جدا مع بعض ايه فايدة التربو بالنسبالك ؟ و هل التعديل ده يستحق انك تخسر المدة اللى فاضله للضمان ؟ فى الحالتين انا مش كسبان حاجه انا فصصتلك الليلة كلها فوق بس لازم تقعد تفكر مع نفسك وقت كافى

المشاركة الأصلية كتبت بواسطة romeoalmansour طب حتي لو افتردنا انه ركب بنفس الوضع اللي حضرتك قلته الذياده في قدره المحرك (horsepower) قد ايه وخلي بالك اللي عايز يركب تربو ركب عربية معدلة وفاهم يعني ايه تربو - هل التربو اللي هيركب هيدي نفس الاداء ولو كومبيوتر العربية قافل علي قدره معينة فمفيش معني لرفع قدرة المحرك والله اعلي واعلم

بصراحة حيرتونى معاكوا
بانسبة للهدف من التيربو فا اكيد علشان ازود الاحصنة بتاعت العربية و دة طبيعى بيبقى للمتعة
موضوع الضمان ، بيتهيألى مش هحتاج للوقت اللى فاضل فيه ، او ممكن استغنى عنه بس اشوف نتيجة مرضية من التيربو
المشكلة ان حضراتكوا حيرتونى و مش عارف اصلن هينفع يركب ولا لا ؟
و لو ركب هشوف نتيجة مرضية ولا بلاش منه احسن ؟؟؟