بصراحه انا ركبت العربيتين اللوجان ركبتها من اواخر 2010 حتي نهايه 2011
كان عيبها في الفتره دي قطع الغيار الغاليه فقط لا غير بالمقارنه مع الفيرنا ( انما دلوقتي بقت برخص التراب ) ونظرا لظروف ماديه بعت العربيه بس مكنتش مزعلاني في حاجه خاااالص
وكان ليا قريبي مسافر ورافع عربيتو فيرنا 2008 واختها لحد مجيب عربيه
وهنا حسيت الفرق
ارتفاع اللوجان كان مريحني كتيييييير بالمقارنه مع الفيرنا
ثبات اللوجان اعلي بكتيييير في الغرز والسرعات العاليه عن الفيرنا
الفيرنا حسيت انها هبله في الجري .. بتجري جري عايزا شوميخر علي الدريكسيون ودا طبعا مينفعش مع الطرق المهببه بتاعتنا من مطبات هوا ونقر في الطرق السريعه وخلافه
فرمل اللوجان بالنسبالي او من واقع تجربتي كان افضل من الفيرنا بكتييييييير
اللوجان حسيت فيها بشويه امان بالذات اني معنديش جراج خاص وبركن في الشارع . كفايه الامبلويز والايرباج
والحمد لله من اقتناعي باللوجان اول ما فرجها ربنا عليا جبتها تاني زيرو 2012 بلاك لاين
دي تجربتي الشخصيه مع العربيتين .
وحضرتك صلي صلاه استخاره والرأي الاول والاخير ليك