24-10-2010, 08:58 PM
|
 |
من انا؟: أنسان يعيش و يتعايش
التخصص العملى: تانية تجارة
هواياتي: Everything
|
|
تاريخ التسجيل: May 2010
الموقع: مصر الدور الرابع
المشاركات: 1,400
|
|
رد: شيزوفرينيا - 1- الفانوس بالفانوس والبادى اظلم
الموضوع خلص والنصح والتأنيب مافيش منه لازمة, دى كانت لحظة غضب ياباشا وعدت, وصدقنى لو قلتلك أنى لو فى موقفك وحد خبطلى العربية قصد (زيادة على اللى فيها ) ممكن أفضل أخبط فيه وأحنا ماشين لحد مايتقلب أو "يخيش" فى عمود واللى يحصل يحصل , رغم أنى أنسان بارد جدا وعمر ما حد أستفزنى لدرجة الخناق بس ساعة "الغضب" يعمى البصر.
واللى حصل حصل ياباشا متزعلش نفسك وتدخل فى متاهات أخلاقية ملهاش لازمة, غيرك كان ممكن يخبطله باب وقوايم العربية وهو ماشى ويدفعه دم قلبه فى تصليحها, واحد تانى كان عامل له عاهة مستديمة بالكوريك, أخر كان ممكن يكهربه بألكتريك أو ياخد رقم العربية ويبهدله محاضر فى القسم ويقطع عيشه.
هو أعتدى عليك, وطالما أنت فى مصر محدش هيجيبلك حقك, أنت عاقبته وعلمته الصح , أنا مش فاهم هو كان فاكر أنه هيخبطك ويمشى عادى يعنى ؟؟؟
فكبر دماغك ياباشا, الموضوع كان غصب عنك وخلص خلاص, المهم بعد كده لو حصلت حاجة زى دى تانى تتمالك نفسك, ربنا رزقك المرة دى براجل على نياته, لو كان من السواقين اللى بيشيلوا مطاوى وسيوف ربنا يعلم باللى كان ممكن يحصل .
بس أهم حاجة أنكم كنتم فعلا فاتحين الطريق, والا هتنقلب الأية .
وحمدا لله على السلامة ياكبير مفتقدين مشاركاتك .
|