[فهمى]

المشاركة الأصلية كتبت بواسطة هشام درغام السلام عليكم .افيدونى سيارتى الساجا اتوماتك بتخلص بنزين التنك فى 190 كيلو هل هذا طبيعى .

هل تقصد 190 كيلو فى الصفيحه ولا فى التانك ؟
اذا كنت تقصد فى الصفيحه ( 20 لتر) يبقى الآستهلاك عالى جدا وخاصه أن العربيه 1300سى سى .
وأذا كنت تقصد تانك السياره اللى مبيقلش فى أى حال من الأحوال عن 40 لتر يبقى فى مشكله ( التنك مخروم - خرطوم مشقق أى حاجه غير طبيعيه ...... )
على العموم قياس أستهلاك البنزين داخل المدينة غير ثابت (ليس له حكم ولا معيار ) يختلف مع نفس الشخص ونفس الطريق ونفس السيارة انت النهارده ممكن تقف فى أشاره 10 دقائق فقط ممكن تانى يوم نفس الأشاره تاخد ساعه الا ربع مثلا .
علشان تحكم على أستهلاك السياره زى ما قال الكتاب لازم الطريق يكون مفتوح تكون السرعه ثابته عند 90 كيلو/ ساعه ولايكون هناك أحمال زائده فى العربيه حتى أتجاه الريح لا يكون معاك ولا ضدك
وتفول العربيه بنزين وتزور عداد الرحله (تجيبه على الصفر ) وتمشى مسافه معينه وترجع تفول تانى بنزين وتقسم عدد الكيلومترات المقطوعه على عدد لترات البنزين المضافه تانى مره ( الفرق) وتضرب الناتج فى 20 لتر ( حجم الصفيحه ) ها يديك الأستهلاك فى الصفيحه الى هو على الطرق السريعه بيكون من 300 الى 350 كم/ صفيحة للمحركات سعه 1600cc