[tham1010]

يا جماعة العربية المتركس 2001 بتعتى في حاجة غريبة ظهرت فيها. أنا بركن فى حتة مش بيمشى فيها حد كثير يعنى الحركة قليلة فى المنطقة دى.المنطفة فيها شمس لعددة ساعات فى اليوم، وبغطى العربية بغطاء قماش خفيف جدا ذى الشاش لحد ما اجيب واحد بلاستك. لما بشيل الغطاء بأجد تراب ملهوش حل على العربية.

اليوم بشيل الغطاء لقيت حاجات على جنب من جناب العربية شكلها غريب هى خطوط زى ما يكون واحد واحد عملها بقلم رصاص أو بقلم كحل بتاع النساء. لون الخطوط رصاص وباين قوى على لون العربية الفستقى.العربية كانت من قبل كدة فيها خرابيش وتجريحات ولكن كانت سطحية نتيجة إحتكاكات من المالك السابق للعربية. لما مسحت الخطوط دى بأيدى مش طلعت. مش فاهم هل هذا بسبب حد شخبط على العربية أم إحتكاك ام التراب دخل فى الخدوش السابقة وحول لونها من لون العربية إلى لون التراب. انا ناوى أغسلها بليفة وشوية بريل أو فيرى أو ملمع زجاج عادى... هل هذه طريقة صحيحة لغسل العربية؟ هل يضر البريل او الفيرى او ملمع الزجاج؟ أرجو الإرشاد لافضل طريقة لغسل العربية حتى تضيع هذه الخدوش.