شاشة DVD بتشتغل ببطارية منفصلة
حد يعرف شاشة دي في دي بتشتغل ببطارية منفصلة أو على ولاعة العربية أصل التوكيل قال لنونة (معلش ربنا يفتح عليها بقى مقرشة حبتين و بتعشق التعامل مع التوكيلات) مش فشخرة لكن ررررررررررررررررررعب بعيد عنكم
و ممكن تبقى عارفة إنها بتدفع ثمن الحاجة مرتين بس بتقولك لحسسسسسسسسسسسسسسن يخرجوني من الضمان
المهم التوكيل قالها بحوالي 3500ج و جههاز الإنذار 1400ج و حتركب وحدة رفع
انا بصراحة ما ساتحملتش أسمع باقي التكاليف قلتلها أقفلي يا حبيبتي لحسن جهاز الضغط الزئبق نط منه من كلامك
نفسي أركب دي في دي أفلام كرتون يعني لأخواتي أو أشغل حاجة مش تنيمهم أصلنا عائلة Silent لو قعدت ساكتة من غير شغل في مكان هاديء ننااااااااااااااام
لكن أنا مش بنام مع الهدوء بحب استمتع بيه و بحب أركز في القيادة
و أنتوا عارفين النوم عدوى فبدل ما أشرب لتر بن عربي قبل ما أسافر و لا أتكلم و افقد تركيزي يبقوا صاحيين جنبي
عاوزة أركب شاشة(في المخادع بتاعت الكراسي) للصالون و لمبة ورا لأنه كحل بعيد عنكوا
حد يفدني يا أخواتي أنا حنزل التوفيقية كمان يومين و مش عاوزة أتقلب الميزانية مخرمة و مهربدة اللهم لا اعتراض
|