[فادى]

المشاركة الأصلية كتبت بواسطة AboNoRa يافادى احنا مش بندافع عن تويوتا ولا متحيزين ليها زى مانت ضد اى صناعة اسيوية بس احنا بنتكلم عن عن الحياديه يعنى مثلاً مشاكل التسارع المفاجىء اياً كان سببها مش اختراع تويوتا ولا حاجة وفيه تقارير وحوادث كتير بسببها فى عربيات كتير من زمان منهم على سبيل الذكر ( هوندا - فورد - كريسلر - جيب - كيا - اودى ) والاخيرة ديه اللى هى اودى كانت ليها قصه وضجة كبيرة زى تويوتا دلوقتى http://en.wikipedia.org/wiki/Audi_5000 كمان فورد الامريكية هى اكثر شركة بعد تويوتا عليها تقارير بسبب نفس المشكلة لدرجة خليتهم يوقفو انتاج بعض الموديلات اللى بيعملوها فى الصين علشان نفس المشكلة ومن حيث التقارير وفقا للكونسيومر ريبورت فورد عليها 36 شكوى مقابل 52 شكوى لتويوتا http://blogs.consumerreports.org/car...s-ford-gm.html والسؤال هنا لما لا يتم التحقيق مع فورد وتعامل الشكاوى ضدها اعلامياً كما يحدث الان مع تويوتا مع ان الاتنين الشكاوى ضدهم فى موديلات 2008 وما بعدها برضو !!!؟ عامة مفيش حد يقدر ينفى او يثبت مدى صحة المشاكل ديه بس الواضح ان الموضوع فيه تحامل زائد على تويوتا لترجيح كافة السيارات الامريكية المتعثرة فى السوق الامريكية ايضاً ده اللى بنقولة لكن بعيداًَ عن الماركات كلها انا شايف ان فلسفة القيادة بالاسلاك DRIVE BY WIRE سرعان ما ستثبت فشلها ومسئوليتها عن كل المشاكل ديه بس محدش يقدر يعترف بده لا تويوتا ولا غيرها

انا معاك, مشكلة التسارع المفاجىء حدثت فى العديد من السيارات,
انا فاكر سمعت عن قضية فى مصر رفعت على بى ام دبليو من مالك لأنه فوجىء بتسارع سيارته على مدخل الجراج, و اصطدم بالحائط دون اصابات لكن السيارة تهشمت.
و كانت هناك قضية على نفس الشركة فى الولايات المتحدة, برضو بسبب موضوع التسارع المفاجىء.

قضية تويوتا مختلفة, لو كانت القضية هى عطل ما بالدواسة او نظام الكمبيوتر فسوف تنتهى عند حد التعويض لو ثبت العيب.
لكن تويوتا متهمة أنها كانت تعرف هذه العيوب تمام المعرفة, و لكنها لم تفكر فى اصلاحه.
الشركات كلها تسارع بسحب سياراتها لو وجدت عيب فى التصنيع, حتى لا تقع فى هذا المطب.
تويوتا يقال انها كانت تعرف هذا العيب تمام المعرفة, لكنها اهملت اصلاحه, و بالتالى القضية ليست فقط اهمال أو سوء صناعة أو غلطة تصميم أو عامل, بل هى تعمد اخفاء عيوب معينة تسببت فى مقتل الناس.
المشكلة الثانية هى كبر حجم الاستدعاء, 8 ملايين سيارة, هذا اكبر استدعاء فى التاريخ, تويوتا كلها تنتج 8 ملايين سيارة فى السنة, فماذا يبقى؟!
ناهيك عن ان هذا العيب ليس ناتجا عن أخطاء, بل هو ناتج عن رغبة جامحة فى التوسع و تحقيق المكاسب, و هو ما اعترف به رئيس تويوتا.
هل اهملت تويوتا فعلا؟ ام انها لم تكن تعرف؟! ده تقوله التحقيقات,
فى تقديرى الشخصى, لا استبعد ان تكون تويوتا متعمدة.

انا معاك ان تكنولوجيا الDriver By Wire ليست اعتمادية بالقدر الكافى الأن, الا ان لها محاسنها, فهى تستبدل الميكانيزمات الثقيلة بأسلاك خفيفة (أى ان وزن السيارة يكون اخف), و تضيف مرونة فائقة الى عمل الاجزاء,
هناك دراسات كثيرة لجعلها اكثر امانا, و عمل احتياطات كبيرة فى حالة فشل احدى الاجزاء,
لكن مازال الصانعين يتخوفون منها, فمثلا تستخدم تقنية الDrive By Wire فى نظام التوجيه فى اللودرات, لكن لم يجروء اى صانع حتى الأن فى استخدامها فى سيارة, اللودر يمشى بسرعة بطيئة, لكن تخيل لو حدث و تعطل نظام التوجيه فجأة فى سيارة مسرعة؟!