انا عارف ومتأكد انى اقل خبره من الأساتذه الأفاضل اعضاء المنتدى الكرام .. لكن هنقل تجربتى الشخصيه لفيرنا 2012 بعد اكسنت 98 ..
اولا : عاليه .. اه عاليه غير القديمه صدقونى .. بقالها معايا حوالى 6 شهور ونشكر ربنا عمرها ماحكت منى ف مطب غير مره او اتنين بالكتير وكان راكب 4 ف العربيه وحكت ف مطب جبلى .. مقارنه بالنيسان صنى 2012 مع زمايلى صدقونى هى اعلى ..
كمان العفشه افضل كتير من الموديلات القدميه ..
اخيرا العربيه ادائها كويس جدا ومقبول ماعدا العيب القاتل فيها وهو الفرامل .. التى اخجل ان اسميها فرامل اساسا .. لكنى اتعودت عليها ..
اما عن اللوجان فبصراحه انا مش ركبتها لكنى مع المعجبين بيها جدا وبصالونها الجميل .. وان كان يضايقنى فيها اوى موضوع فتج التنك والشنطه بالمفتاح والمكان العجيب للكلاكس ..
اخيرا لو عاد بي الزمن وعدت لنقطة قرار شراء السياره : اكيد كنت هختار الفيرنا برضوا ..
ومعلش بقى لو كنت طولت عليكوا
د/تكلا
