تحويشي عمري في a113 ام لادا 2107 برجاء النصيحة لوجة الله
في البداية اشكر كل الاعضاء المتعاونين في هذا المنتدي اللي بفضلهم اصبح ملجأ للمبتدئين امثالي
انا في البداية مبعرفش اسوق و اول مرة اشتري عربية و مليش خبرة في اي حاجة
علشان كدة محتاج عربية تقعد علي الاقل 5 سنين متعطلش مني في الطريق لوحدها لان مليش خبرة في المكانيكا
و انا مش من هواة الشراء ثم البيع يعني محتاج العربية تعيش من 15-20 سنة علي الاقل برضة
و مش من هواة السفر لكن ممكن يطلع لي مشوار من القاهرة الي طنطا كل اسبوع او كل اسبوعين بس
و لكن مشاويري اليوميةحوالي 50 كيلو يوميا و لكن يومين في الاسبوع حتبقا 80 كيلو يومين في الاسبوع
و المبلغ اللي ححطة في الاسبرانزا دة تقريبا كل اللي معايا فانا مش حبقا حمل مصاريف اضافية غير البنزين و الحاجات البسيطة دي في اول كذا سنة
المبلغ هو اقصي حاجة 50 و مش حعرف ازودة عن كدة كتير و مش بحب العربيات اللي بكاوتش صغير زي الموتوسيكل لاني بحس انها متسافرش و زي اللعبة او التكتك
لو العربية دي متناسبنيش انا محتاج الالاتي في العربية
التكييف مهم
الباور مهم
باقي الكماليات ملهاش لزمة عندي
امكانية السفر لاي مكان في اي وقت مرة اسبوعيا
انا سمعت ان الاسبرانزا فترة عمرها الافتراضي قليل جدا فهل اسيبني من الاسبرنزا و اشوف اللادا مع اني بكرة شكلها القديم دة و مش مقتنع ان ممكن يكون فيها التكييف اللي نفسي فية ؟ انتا عارف كلةو حيقولة خد اللادا اعتمادية و لكن شكل الاسبرانزا عاجبني فهل الاسبرانزا فعلا مظلومة و مش زي باقي المنتجات الصيني ولا اية رأيكم
ارجوا النصيحة لوجة الله و ياريت من حد يكون جرب الاسبرانزا 113
|