المشاركة الأصلية كتبت بواسطة sam_y
اننى ذهبت الى مركز اصلاح قناة السويس لاصلاح سيارتى من حادث ومن ضمن الاصابات كسر طاستين وفردة كاوتش تم افادتى ان الطاستين لن يعوضو علشان مفيش اية قطعه منهم وان الكاوتش لن يعوض علشان منفوخ - هل هذا معقول !!!! طبعا استحاله هيكون فى اثناء الحادثه انسان يفكر فى لملمة قطع كسر الطاسات المكسوره علشان التامين ولو فيه فكرة الغش كنت كسرت واحده من السليمه وبحصوص الكاوتش طبعا الرفرف مخبوط والجنط مخبوط ومتنى والكاوتش مسلوخ من اثر الخبطه لكن كان لازم احاول انفخه على حالته السيئه للغايه علشان يكون احتياطى لغاية مااروح المركز وطبعا برده كان ممكن ان اقوم بتفربغ هوائه وعمل قطع به وبالتالى يتم اخذه فى الاعتبار - لذا ارجو منك شاكرا النظر فى هذا الموضوع وافادنى ما الحل فى ذلك تاريخ دخول السياره المركز / 21/01/2012 رقم اللوحه / 9216 د و - موديل 2010
طبعا لن انسى ان الاستقبال فى المركز اكثر من ممتاز
والناس هناك زى الفل خصوصا من قابلتهم من مهندسين
م . حماده --- م . علاء
لكن هما عندهم لائحه من الشركه بذلك
وانا من نظام ونظافة المكان حسيت ان سيارتى فى مكان آمن
|
السلام عليكم
الف سلامه عليك من الحادث شوف اخى موضوع عجل السياره مثال انفجار الكاوتش غير يؤمن عليه ابدا فى اى شركه تامين و لكن يؤمن على الاثار الناتجه عنه
او فى حاله اذا كان تلف الاطار ناتج عن حادث و ليس انفجار ممكن تكون عملت محضر و كتب فيه انفجار مثلا ياريت توضيح النقطه دى للافاده الكامله
موضوع الطاسات موظف التامين مقنن ان اى استبدال لابد من تسليم التالف و معاك حق فى كلامك لاكن دى هيه اللوائح و ان شاء الله هاتتغير