المشاركة الأصلية كتبت بواسطة TOOLA
ربنا يباركلك فيها يا رب العالمين و يحفظها من العين, تقرير أكثر من رائع, و فعلن هنحتاج تفاصيل ما بعد التليين و الصيانة (شوية كلام عن الثبات)
|
الله يبارك في حضرتك و يرزقك بمثلها او أفضل منها
بالنسبة للثبات مافيش كلام يتقال .....اكثر من رائعة
يعني حدث معي موقف من كام يوم و طبعا كل شيء بفضل الله اولا و أخرا
كنت ماشي بسرعة 90-100 في اتجاهي لمقر عملى و الطريق واحد(رايح جاي)
و كان فيه اوتوبيس سياحي جاي في الإتجاه المقابل
وفوجئت بتاكسي يتختطى الأوتوبيس و جاي في وش العبدلله كأنه مش شايفني
المسافة كانت قصيرة جدا لكي استخدم الفرامل و اديله مسافة يعدي والغرزة ضيقة فعلا
وربنا يلهمني ان اخذ يمين وبعدين الم شمال تاني لو لحقت وقلت لنفسي انزل في الرمل احسن من اخش وش في وش
طبعا الموضوع ده كله في ثانية او اقل
المهم ربنا اكرمني و حدفت يمين و التاكسي فات ورحت لامم شمال
وتوقعت ان العربية يا حتعوم يا حتخش في الرمله يا حتلف
يعني اي حاجة من الحاجات اللي احنا متعودين عليها في المواقف دي
ولكن بفضل الله وحده وجدتني مع ردة العربية شمال في نهر الطريق مرة اخرى
ولا كأن كان فيه حاجة اصلا
ولله الحمد من قبل و من بعد
معلش طولت عليك
بس حبيتك تعيش معايا اللحظات دي *