رد: تقرير و تجربة و تقييم للسيارة مازدا 3 2010 (الجزء الثالث )
الف مبروك يا على باشا على الوصول لمرحلة التقييم اللى منتظرين اكمالة كما وعدت ان شاء الله. فعلا أنا مستغرب من عيب استهلاك البنزين والجيربوكس! هى عربيتك فتيس أوتوماتيك ولا عادة؟ الاستهلاك العالى دة والجيربوكس 4 سرعات بيقول انها أوتوماتيك. شكلك غاوى حرق شوية ولا أنا بيتهيألى؟
أنا ركبتها فتيس عادى سنة 2007 مع صديق مصرى شاب فى قطر وحسيت أنها عربية رائعة وصاحبها كان سعيد بيها جدا وبسحبها علشان كان غاوى جرى.
على العموم معدل استهلاك البنزين قريب -ولكن لا يصل- الى معدل استهلاك البنزين عندى فى الأوكتافيا الأوتوماتيك لما بكون مستعجل شوية بس مش بحرق فمتزعلش وحاول تخف رجلك من على دواسة البنزين وأنت بتزود السرعة (السحب) وهتفرق كتير معاك. الثبات نعمة كبيرة يقابلها تضحية فى بعض الأحيان فى السحب واستهلاك البنزين.
ربنا يباركلك فيها ويكفيك شرها ويعطيك خيرها ويحفظك ويحفظهالك ... آمين
__________________
هشـــام باهـــى
اسكندرانى يعيش فى القاهرة من 14 سنة
|