[ايهاب عبدالمنعم]

السلام عليكم ورحمة الله وبركاته الف شكر للسادة القائمين على المنتدى انا أشتريت سيارة فورد أسكورت 1600 زيتك فبريكة دواخل كانت زى الفل وبعد شهرين بدات اظبط العفشة العربية بقت100/100 ولكن يوم السبت ذهبت الى المنوفية لواجب عزاء وفى طريق العودة لقيت العربية بتسخن وفى صوت غريب رحت راكن بفتح غطاء الكبوت لقيت فى دخان طالع من عند البوجيهات كان زيت بيتحرق لما اتصلت بالميكانيكى قالى سيبها تبرد وزود زيت ووزود مياه وبالفعل عملت كده وبدات اتحرك بالعربية فمكانتش بتمش الى على الغيار الثانى ومكانتش بتقبل اى غيارغيره والحمد لله وصلت القاهرة بعد3ساعات رحت للميكانيكى قاللى البيجوهات عايز تتغير اشترتهم من ابراهيم سليمان بتاع التوفيقية ارخصهم ال4ب130 جنيه ركبناهم قالى البوبينة اربع عيون فى طرف بايظ رجعت اشترتها ب270 بالعافية ركبناها طلع فى وصلة من الوصلات بايظة سالت عليها قالى الطقم على بعضه ب250جنيها رحت ماسك فى خناق الميكانيكى راح متصرف فى واحدة من عنده العربية دارت وعزمها بقى شديد ولكن هناك صوت طالع الميكانيكى قالى ده الشكمان رحت لبتاع الشكمان لحمه ولهف 40 جنيه بس انا حاسس ان العربية مش زاى الاول اه نسيت الباب الامامى اليمين مبقاش عايز يقفل رحت لبتاع الببان قعدنا 2.3ساعة ومعرفيشيوصل لحل والى الان انا ربطه بحبل ياريت الى عنده حل لى مايبخلش على بيه وجزاكم الله خيرا 01281530968