[sherifabden]

المشاركة الأصلية كتبت بواسطة 3bdo الالنترا والله شكل بس وعيوبها كلاتى 1-فراملها ضعيفة 2-عفشتها ناشفة 3-بتعوم فى الملفات 4-ثباتها وحش بعد ال 140 5-الخامات وحشة 6-العربية مخنوقة لما بتبقى لسة طالع من زحمة 7-الفانوس اللى قدام بيعبى بخار جامد ودى انا شفتها بعينى 8-بتحك فى المطبات 9-بتاكل بنزين 10-صوت تكتكة تحت العربية 11- واحد لقى عيب فى علبة الدركسيون ونتشة فى الفتيس واتخانق مع التوكيل عشان مكانش عايز يغيرها علبة الدركسيون والفتيس بس فى الاخر غيروها 12-الباور خفيف 13- النور مش عايز يرعش 14-التكيف ضعيف 15- توكيل سىء جدا جدا ومحدش بيشكر فيه العيوب دى صحاب العربية هما اللى قالوها بنفسهم مع انى كنت بحب العربية دى جدا وكنت بقنع الحاج بس بعديها لقيت البومة احسن منها مليون مرة وبعدين السيراتو مسروق منها اكتر من 3000 عربية و بتحك فى المطبات عشان ارتفاعها 150 و عفشتها ناشفة واعلى فئة منها جنوط 17 وبتبقى محطوطة على نفس عفشة جنوط 15 يعنى مع اى مطب ممكن المقص يتكسر او الجنط يطبق وفى ناس باعتها بسبب الموضوع ده واعرف واحد عمل مفتاح منسوخ ب 10 جنيه من عند بتاع المفاتيح وجه يفتح بيه لقى العربية فتحت جه يدور لقاها دارت والفلوانس قطع غيارها غالية اوى يعنى الاكصدام اللى قدام بالمصنعية بالضريبة ب 3000 جنيه بالنسبة للانسر بومة ثبات وتسارع جميل قليلة الاوبشنز واليابانى طول عمره كده تكنولوجيا التابلوه بسيطة بس خاماته محترمة و خدت بيها مطبات كتير عمرها ما حكت فى الارض منى ولا من الحاج وده عشان ارتفاعها 165 mm يعنى اعلى من الكيا سول 164 mm و لو عايز عربية تعيش معاك ابعد عن الكورى على العموم الاوبشنز انت ممكن تشتريها بعد كده كاميرا خلفية وحساسات ركن بس قوة الميكانيكا وقلة الاعطال والاعتمادية اللى فوق الوصف فى البومة مش هتقدر تشتريها و الاوبشنز و تكنولوجيا الطبلوه مش هتفيدك لما العربية تعطل منك والبومة قطع غيارها بينزل منها الصينى والتايوانى والاسبانى ده غير الاصلى طبعا هات البومة ومش هتندم ولاحظ ان محدش جاب البومة و قال فيها كلمة وحشة وكل اللى بيقولولك بلاش البومة لاما عشان سعرها غالى لانهم بيقيموا العربية من نحية الاوبشنز بس مش من نحية جودة الميكانيكا والاعتمادية لاما شكلها متغيرش بقالة 9 سنين (وكل سنة بتثبت نفسها فى مصر)لاما عشان قليلة الاوبشنز واليابانى طول عمره كده حتى الهواندا سيفيك ام 200 الف بس انا سمعت ان ممكن تركب جهاز بلوتوث وده بيتباع وبيتوصل بالسماعات بيتركب على التابلوه وتركب حساسات ركن وكاميرا خلفية وهيبقى معاك اوشبنز الكورى وقوة اليابانى بس محدش عارف يطلع عيب عدل فى البومة

الالنترا فراملها ضعيفة

من سرعة 60 في ثانيتين بس من غير اي بي اس طبعا
عفشتها ناشفة هاتها من غير الجنط 17 لو جبتها 15 او عادي هينعم العفشة وجربها في البومة وركب جنط 17 وشوف العفشة هتبقا ازاي
بتعوم في الملفات وثباتها وحش بعد 140
شوف الموضوع دا
http://www.masrmotors.com/vb/showthread.php?t=93057
الخامات مش وحشة للدرجة وكل العربيات اللي في الفئة دي حالها كده
اما بخصوص السحب البطئ دا سببه تشغيل النظام الموفر الموجود في الالنترا ودا موضوع اتعمل عن الحكاية دي والحل اتكتب في الردود
http://www.masrmotors.com/vb/showthread.php?t=89462
الفانوس اللي بيبعبي بخار مفيش حد شكا من الحكاية دي
بخصوص الحكة في المطبات انا اعترف انه عيب في الالنترا بس المشكلة ان الطرق المصرية الزبالة مبنفعش معاها اي عربية فلو الطرق اتحسنت هتلاقي العيب دا بح
بخصوص استهلاك البنزين فدا عادي في فترة التليين بعد كده بتبقا موفرة وهيا اصلا موفرة في البنزين علشان 6 غيار
بخصوص بقا اللي سمع صوت تكتكة او كان في عيب في علبة الدركسيون دا يتصلح عادي ودي كانت عيوب فردية ومش عامة
حكاية الباور الخفيف دا ميزة ولا عيب بالضبط
دا الناس بتسب وبتلعن في العربيات اللي باورها تقيل وثانيا انهي احسن انك تلف الدركيبون بمنتهى الراحة ولا انك تلف الدركسيون بايديك الاتنين بصعوبة ؟؟؟
بخصوص النور اللي مش عايز يرعش دا واحد كاتب موضوع هنا عن الحكاية دي وطلع مركب 6 زينون في العربية وعايز بعد كده تقولي مش بيرعش
واصلا برضه العيب دا فردي
بخصوص التكيييف انا مرة جربته ودا تلاااااااااااااااااااااجة والله بس شكلك مجربتوش
بخصوص التوكيل السئ اعتقد دا عيب في التوكيل مش في الالنترا كسيارة
بخصوص الكلام عن السيراتو هرد عليه في مشاركة تانية علشان المشاركة اتملت
يتبع ...