[aymanlaw]

السلام عليكم إخواتى واصدقائى --طبعاً فى إخوة اعزاء كانوا على علم بماحدث لسيارتى الجاك وكان ذلك يوم الأحد الموافق 24-8-2014 ومنذ هذا اليوم وإلى يوم السبت 20-9-2014 الهو إمبارح لم اقدم على عمل اى شىءحتى الساعة الثالثة قبل صلاة العصر من ذلك اليوم ,,أعود بسرعة ليوم الحادث حيث إنه بعد الحادث مباشرتاً السيارة موتورها وقف عن العمل اما الأنوار فكانت تعمل ولكن التكيف والكاسيت وقفوا ايضاً عن العمل وكان رد فعلى تجاه ذلك إننى لم احاول ادير مفتاح الكونتاكت وذلك تحسباً بأن يكون هناك اى شىء لاأعرفه فأنتظرت حتى حضرت سيارة الأنقاذ واخذ السيارة حتى البيت ووصلنا ونزلنا السيارة وركناها حيث وقفت سيارة الأنقاذ يعنى نزلت بفعل الميول وهى نازله من اعلى سيارةالأنقاذ وغطتها وذهبت حيث الملم نفسى واصارع خوفى وقبل كل هذا وذاك اشكر رب العالمين واحمده حمداً كثيراً وهوأقل القليل بل لايقدر بأى شىء يقال اويفعل على مايقدمه لنا الله عزوجل من نعم ورحمة لاتتسع الأكوان لها ,, وكل يوم الأمور تهدأ ويزيد التفكير فى السيارة وفى كل برهة يعتليها الزهن باالتفكير أقول لنفسى ياترى اين سوف تصل الأمور لحدودها مع ماحدث للسيارة هل هى صاج الأبواب والرفرف والأكصدام وشاسيه الأكصدام والعفشة ولا تمتد الى ابعد من ذلك يعنى كهرباء تكيف ولا الموتور ,كنت عابش هاجس يأخذنى اقصى اليمين واقصى الشمال الى ان اتخذت قرار البدء بمعرفة ماذا حدث للموتور ليه مابيشتغلش ,,كلمت اخ وصديق ميكانيكى لكنه فى الأصل بيشتغل موظف جاء الرجل بعد ماانهى عمله وكان حوالى الساعة الثالثة قيل صلاة العصر وبدأ يطلع على الموتور بنظره عابره ثم راجع على مستوى المياه والزيت وزيت الباور والفرامل والريداتير يعنى عايز يشوف اى تسريبات الحمدلله لم يجد شىء بعون الله وبفضله فقال دور ,,حطيت المفتاح ودورت مادرتش ,,فأنا قلتله جائز إن بخروج الأيرياج ممكن السيارة بتفصل كهرباء اوتوماتيك وبيبقى ليها شغلانه تانية مثلاً فى الكهرباء ,قال لى لا الموضوع بطارية قلتله إزاى داالعربية بتنور لمابحط المفتاح فى الكونتاكت قالى مش مهم لكن البطارية ضعيفه قلتله ضعفت مرة واحده بعد الحادث قالى متنساش إنك فضلت منور العربية لمدةساعة اوأكثر لحد ماجت سيارة الأنقاذ قلتله جائز لكنى لم الاحظ ان النور ضعف المهم راح جاب كابل ووصل ببطارية عربيته وقلى دور ,,دورت العربية باالصلاة على الحبيب دارت وكان التكييف مفتوح قام اشتغل وكمان الراديو كان شغال على إذاعة قرأن وانا مش فاكر إنى كنت مشغل على إذاعة قرأن لأن وقت الحادث كان ابنى مشغل أغانى اجنبية وايضاً وانابدور كان اذان العصر بيرفع سبحان الله العظيم وبحمده سبحان الله ,,بحد اطمئن قلبى ,,سبنا العربية دايره لمدة علشان نشوف مؤشر الحراره أخباره ايه والحمدلله كان على وضعه الطبيعى حتى مع شغل التكيف باالأضافة لمروحة التبريد والثرومثتات كله بيعمل بشكل طبيعى والحمدلله والشكر لله ,,قال لى خد غيار وكانك طالع باالعربيه وبالفعل وجدت العربية اتحركت مع إن الفرده الشمال الأمامية المساعد فاتح للخارج يعنى العجل طالع لبرهكانه مفصول عن الكوبلن اوالمقص مكسور ,المهم العربية اتحركت بثقل اه لأن الكاوتش على الأرض مريح واضح إنه اتقطع وكمان الجنط اتكسر من الداخل ,, المهم هو قال لى انا كده اطمئنيت على ان الكوبلن تمام مفهوش مشاكل وبعدين قلتله على الفرده اليمين الموجوده فى الخلف ايضاً فاتحه للخارج فنزل تحت العربية وقلى أعتقد المشكلة فى الميزان ,, فأتصل بعفشجى صاحبه وجه بسرعه ربنا يكرمه ونزل تحت العربية وقال لى الأتى ,القنطره تمام وقواعد الموتور تمام والكبالن تمام والمقصات تمام المشكله فى المساعد الشمال والتيشه الجايه من الأسكاتره ورايحه على المساعد دى معوجه وايضاً المساعد اتنى من اسقل اما فى الخلف فاالميزان متنى من الناحية اليمين ,, فكهم والعربية واقفه امام البيت وقال أنه هيدور على المساعد لأنه هو بتاع الماتريكس والأفنت اما الميزان فاهيعمله فى المخرطة,,وبالافعل احصر الحاجة كلها اليوم ,,اشترى مساعد ماتريكس حديد ب450 والتيش والميزان 160 +مواصلات 50 +مصنعية 200 وركب كل حاجة تمام ودورت وحركت العربية للأمام والخلف على بسيط لأن الكاوتش كله مريح على الأرض ,,, فى حاجه مهمه بالنسبة للمساعد ,, هو نفس مساعد الهينداى الماتريكس زى مقلت ولكن فى ودنتين فى المساعد بيختلفوعن الموجودين فى مساعد الجاج فهو فك الودنتين الموجودين فى مساعد الجاك وطبعاً فك بتوع الماتريكس وركب بتوع الجاك اما باقى المساعد مفهوش اى تغيير فى مسامير تركيبهولاحتى فى اى فتحات خاصه باالسيتسور وخلافه المهم التعديل فى الودنتين فقط لاغير وإنشاء الله هصورلكوا المساعد القديم واوضح مكان التعديل حتى يستفيد الجميع بأذن الله وربنا مايكتبها على حد يارب ,,العفشجى قلى حاجتها مفيش منها اى مشاكل لأن بيتوفقلها كل حاجة وده ايضاً باالنسبة للمكنه(الموتور) والله خير حافظ وهو ارحم الراحمين --- أسف على الأسهاب والملل فى الحديث وسوف اوافيكم بكل جديد كل ماربنا يوفقنى واعمل حاجة جديدة--استودعكم الله ربى وربكم ورب العالمين الذى لاتضيع عنده اى ودائع الرحمن الرحيم