السلام عليكم
اللوجان اتخبطت معايا من فترة وعملت موضوع ورفعت فيه صور الخبطة في اللينك ده
http://masrmotors.com/vb/showthread.php?t=110979
المهم كنت كلمت مركز اوتوبينت للسمكره (ا/اسلام)وجبتله العربيه ونويت اوضب جمب العربيه كله بما فيهم الاكصدام اللي ورا عشان كان مخبوط وفيه قطع
المهم اتفقنا نرش الجمب الشمال كله (رفرف وباب امامي وباب خلفي ورفرف خلفي واكسدم خلفي)
اولا المميزات
1-محترمين في التعامل وكل اللي اتفقنا عليه اتعمل
2-كنت اشتريت مرايه شمال (طبعا كان لونها اسود) اترشت بنفس الشكل وجرايد الباب عشان كنت اشتريتهم لونهم اسود.
3_احترافيه ف الشغل لان كان في خبطة في العتب كذا واحد قالي ان هيتفتحهلها في العتب من ورا.بس اسلام كان قايللي ان عندهم في جهاز شفط بدون فتح ولا يحزنون.
4_كنت محتاج كهربائي يكشف على مكنة رفع الازاز اسلام وفر عليا المشوار وعمل الموضوع ده قبل التقفيل النهائي.
5-الاكصدام اللي ورا كان مقطوح اتلحم عند بتاع الفيبرو كان ساقط والكلبسات مش راكبه نتيجه لخبطة عالدائري واتركب مظبوط وكمان الاكصدام اللي ورا كان ساقط شويه كمان اتفك واتظبط وركب تمام والفانوسين اللي قدام كان فيهم الماسك اللي فوق مكسور اتلحم بس في واحد فيهم لحامه فك واسلام قاللي احترنا معاه كل ما نلحمه يفك تاني بس الفانوس كانت ماسكة كويس بعد ربط الاكسدام ورفعه لمكانه
6-كنت هركب لزق للاكصداما ت بعد الرش عشان الخدوش والكلام ده برضه هو وداها لواح كويس واختارولي لون ممتاز جدا وطلع احلى من اللي انا اخترته وخلصلي المشوار ده بالتليفون.يعني بصراحه ناس متعاونين جداا.
7-كل اللي شاف الشغل بصراحه شكر فيه لان العربيه رجعت زيرو بنفس درجه اللون لان الالوان اتظبطت بالكمبيوتر.البويا كانت مستورده اعتقد انها كوري.
8-استلمت العربيه مغسوله بره وجوه ومتظبطة اخر تظبيط.
دي صور العربييه بعد الرش وتظبيط الاكصدامات.
http://img109.imageshack.us/img109/4451/photo0155e.jpg
http://img827.imageshack.us/img827/6130/photo0156u.jpg
http://img600.imageshack.us/img600/4718/photo0157f.jpg
http://img21.imageshack.us/img21/9189/photo0158ce.jpg
http://img841.imageshack.us/img841/9898/photo0160s.jpg
http://img585.imageshack.us/img585/3405/photo0161xn.jpg
http://img189.imageshack.us/img189/5619/photo0162j.jpg
http://img818.imageshack.us/img818/8052/photo0164x.jpg
ثانيا_ش هقول عيوب بس هي ملاحظات مش اكتر
1_كنت مسلهم العربيه يها 3 او 4 شرط بنزين.بصراحه استلمتها فاضيه.هما قالو لان كان بيعبتوها بين الورشتين(لان السمكرة في ورشه المعادي والرش ف ورشه صقر قريش)
2_تاني يوم وقفت العربيه في الشمست وركزت اووي ف مكان الخبطة لقيت كام نقطة كده اد راس الدبوس لجوه كده تقريبا دي كان المفروض تتشبع معجون اكتر من كده.بس بصراحه متبانش غير بالتدقيق جامد في اطرف الباب ناحيه الرفرف في مكان الخبطة ومخدتش بالي ليها خالص ف اول يوم...دي صورتها بعد التكبيرر ممكن متتلاحظش كويس
http://img94.imageshack.us/img94/2563/photo0167d.jpg
3_دفعت غسيل السيارة 50 جنيه (مغسله كار وش المعادي ) انا استغليتها بصراحه الأن بغسلها عندنا بره وجوه ب 25 بس قولت ممكن تكون هي دي اسعار المغسله كده.
4-في جزء جمب الفانوس الشمال الخلفي اتقشرت مش عارف من ايه بصراحه ممكن دي صورتها
http://img5.imageshack.us/img5/7583/photo0163sy.jpg
.الخلاصه ان انبسطت بصراحه من مجمل الشغل في اوتوبينت وكمان اخويا عجبه الشغل وقال ان ف واحد زميله عايز يظبط عربيته رش وسمكره وهيرشحله المركز ده لان شغلهم كويس وربنا يسترها معانا ومعاكم لان العربيه اتخبطت وكلفتني مبلغ وقدره وهي واقفه تحت البيت.