[طارق عبد السلام]

المشاركة الأصلية كتبت بواسطة شريف حجازي اولا انا مقلتش غير مرتين اسكت او اسكتو مش كمية من الكلام زي ما حضرتك بتقول ثانيا انا بقول اسكت للي بيدعو للتشاوم مش الي بيقول رائو فمن حق كل واحد يقول رايو بس بلاش الراي السلبي الي لا بيقدم ولا بياخر او الراي الي بيتحكم علي الفاضي والمليان عموما لو الناس كلها كارهين مرسي يبقو مينتخبهوش الدورة الجاية وده الحل الشرعي لان الي الناس اليومين دول بيقولوه من هطل سياسي بالدعوة لحملة تمرد والدعوة لانخابات ريأسية مبكرة مجرد كلام عبيط لان لو الموضوع كدة يبقا لما اي رئيس هيجي مش علي مزاج الناس يدعو لانتخابات رئاسية مبكرة ومحدش هيكمل مدة كاملة لان مش هتلاقي حد علي مزاج كل الناس وبعدين الي مش اجبو مرسي دلوقتي هقولو ماشي يا سيدي هاتلي واحد يملا مكانو وانا ارشحو معاك هتجيب مين يا مولانا هتجيب ابو النصابة ولا هتجيب الخواجة ولا هتجيب الخمرجي ولا هتجيب ابو قفا يا ناس بلاش كلام فارغ الي علي الساحة دلوقتي مجرد ارجوازت الواحد منهم اهدافو بقت واضحة اكتر منو الي عايز يمسك البلد ويبقا قدها ينزل يورينا ارائو واقترحاتو في تعمير البلد مش نقد نقد نقد وللاسف كلو سلبي معندوش حلول ومش عايزني اقولو اسكت عندك الحق لازم اقولو يخرس احسن

لا بجد ماشاء الله عليك فى حوارك
لسانك بينقط سكر

تعرف يا استاذ شريف بقولك والله كنت ميال شويتين لمرسى ومن كلام مؤيديه واسلوبهم الجميل وده مثال حضرتك بتطبقه مثل اغلبهم
ومن سياساته هو وجماعته فعلا لا يصلح لقياده بلد لا هو ولا جماعته علشان ابقى متفائل لازم اقبل بالموجود زى ماحضرتك قلت اقبل بمرسى علشان غيره مش عاجب ولا هم اصلا مسكوا الرئاسه وفشلوا وروجوا الكذب هم مجرد منافسين(ومش هكرر تنابزالالقاب اللى حضرتك قلته قبل كده عنهم) ووصفتهم به مع ان معارضين مرسى وجماعته انت تعرف جيدا اللقب المطلق عليهم ..... خلينا فى الاسلوب المتحضر
تصدق بالله انا مش عارف كميه الذنوب اللى باخدها كل يوم دلوقت(منهم لله) على فكره الكهرباء قطعت النهارده 3 مرات كل مره ساعه بالظبط ولما بيحنوا علينا بيخلوها ساعه ونص نفسى بقى من رئيس دولتى يحن علىينا ويظبط الكهرباء يا استاذ يافاضل دى اقل متطلبات الحياه الادميه قطع كهرباء بشكل يومى ومنظر ولادك ولو فيهم طفل صغير وعندك مريض حراره الجو بتزيد الهجمات المميته عنده وانا عايش فى مدينه مش قريه طبعا مش هقولك هاتلى كتاب الانجازات ونزلهولى احنا عايزين ابسط متطلبات الحياه هى كارثه يعنى ... شوفت انا اتكلمت فى حاجه واحده بس اهو وما ختمتش كلامى بايموشن يستفز ولا قلت اخرس ومتخرسش وماعملتش تقرير بمشاركه سيئه لان اللفظ لايصح انا اتكلمت فى حاجه واحده من حاجات كتير بس خلينا فى دى ينفع كل يوم آخد ذنوب فى الرجل ده وبدعى عليه والله ومن كل قلبى لان هو المسئول وانجازاته اتعملت كتاب ومش عارف يسيطر على مطلب من مطالب تحبب الناس فيه