السلام عليكم يا افضل منتدي الحمد لله بعد طول حيرة وفحص ومحص وتدقيق
والسؤال عن قطع الغيار والتوافر والسعر طبعا
الحمد لله كنت بدور علي عربيات كتير اوي وفي الاخر استقريت علي اوبل كورسا 1200 سي سي موديل 1994 والحمد لله اني مجبتهاش لاني في الاخر لقيت نفسي برضوا مش هاكون راكب عربية جديدة ولا اني بعشق العربية دي جدا
في الاخر استقريت الحمد لله علي بروتون جين 2 موديل 2015 والنهاردة تم بحمد لله حجز العربية في توكيل عز العرب في اسكندرية الي عند الداون تاون واجراءات الحجز مجرد دفع 1000 جنيه وده ادني قيمة وممكن تزود براحتك طبعا وبيديك وصل بيهم وياخد منك صورة البطاقة بس كدة بصراحة
انا كنت عايز اجيب العربية من زمان بس الفلوس كانت منعاني
والحمد لله سعر العربية زاد 6000 جنيه عن 2014
دلوقتي المانيوال ب 113000 جنيه والحمد لله
اجراءات الحجز مش بتاخد وقت زي مابنقول(وانت واقف) والاستلام بعد 3 اسابيع بس انا ان شاء الله هاستلم علي شهر 6 لظروف ولاموأخذة الفلوس الحمد لله علي كل شيء
وانا هناك صورت العربية وان شاء الله هانزل صورها وكل حاجة عنها باذن الله بس الاختلاف الي ظاهر هو بس ان الكاسيت بتاع العربية موديل 2014 و 2015 نوعه (blaupunkt) بدل (headunit) بتاعتها القديمة دي كل الي متغير في العربية لكن الشكل من برة واحد
شكرا علي وقتكم السلام عليكم