رد: اخيرا وصلت رينو لوجان المغربيه
ياجماعه حسب ماسمعت ان العربيات دى كانت واقفه فى المنطقه الحره او الجمرك من مده لحد مايحددوا ح ينزلوها بكام. ماهو أصل السوق المصرى (فى كل حاجه على فكره) متقسم على مجموعه حيتان وبيقسموا التورته زى ماهما عاوزين. فكانوا بيتفاوضوا مع بعضهم علشان لما تنزل مايتضروش قوى وأهو المكسب ح يروح فى جيب واحد منهم برضه (زى العربيات الصينى حسب ماسمعت ان المفروض ان سعرها يكون أرخص من كده بكتييييييييير) ولكن برضه لازم السوق مايقلش عن حد معين والا يتجمعوا عليه كلهم ويضربوا له السوق (بأى طريقه بقى اشاعات ممكن‘ قضيه ممكن، أخلاق ممكن المهم انه يتقرص وممكن مايقومش تانى على حسب قرصة الودن ولنا أمثله كتيره فى السوق من ناس طلعوا مره واحده وبرضه اختفوا مره واحده). المهم مش ح أطول عليكم لنا الله فى كل من يسلب هذا الشعب انه يعيش بنقاء وحريه. وبرضه مع احتياجى الشديد انى أغير عربيتى خلوها تصدى. مش ح أشترى.
|