رد: اية هو رأيك فى اسبرانزا؟؟؟؟؟؟؟
نبدأ كده الاجابة سؤال سؤال :
1 - هل هى اسم سوف يثبت وجودة فى السوق المصرى ولا حتاخد وقت وخلاص ؟
ج 1 : نعم هى اسم سوف يثبت نفسه بقوة خلال الخمس سنوات المقبلة ، طبعا لرخص الاسعار بالنسبة للفئات التانية المطروحة و كمان الامكانيات الهايلة .
2 - عربيتك تستاهل اللى دفعتة فيها ولا ندمان انك اشترتها ؟
انا عربيتى 113 و طبعا تستاهل اللى دفعته فيها و يمكن اكتر كمان . يعنى عربية بالحجم ده و بالامكانيات دى و بالمحرك ال 1300 القوى اللى كل العربيات فى الفئة دى 1100 ، تستاهل فعلا ال 50 الف . و الحمد لله لغاية دلوقتى مش ندمان ( ربنا يستر ) بس انا عادةً مش باندم على حاجة ، يعنى باحاول اوجد لنفسى مبررات ( يعنى المبلغ اللى كان معايا وقتها ، العربية صناعتها و جودتها لازم تبقى على قد السعر ، ...... )
3 - هل انت راضى عن عربيتك ولا حاسس ان فى احسن منها بنفس السعر ؟
الحمد لله زى ماقولت الى الان راضى عنها ، بس فعلا مافيش احسن منها فى نفس السعر . يعنى اقرب واحدة ليها السبارك و دى 1000 cc و هاف اوبشنز و صغيرة جداااااااااا بالنسبة لل 113 و ب 54 الف جنيه !!!!!
4 - مشاكل العربية سهلة ويمكن حلها ولا صعبة ومتتحلش ؟
ج4 : بص يا استاذ باسم ، مافيش مشكلة من غير حل .. اكيد مشاكلها ليها حل بس لو مش عند التوكيل يبقى عند ورشة خارجية او مركز معتمد ، بس هى عايزة شوية صبر مش اكتر . و كمان مافيش صدقنى عربية من غير مشاكل بس للاسف معاملة التوكيل السيئة هى اللى طلعت على العربية السمعة دى .
5 - اما تبيع العربية حتكسب ولا تخسر ؟
ج5 : مافيش عربية لما تيجى تبيعها مابتخسرش فيها ، ماتنساش ان البايع دايما خسران . لان انت بتبيع حاجة استخدام بيتى ( استخدام محترم يعنى ) . يعنى بتروح التوكيل للصيانات و طبعا بتحافظ عليها جامد .. انا قصدى ان اللى بيكسب فقط فى مجال السيارات هو التاجر فقط ، مش واحد زى و زيك ..
اكبر دليل عندك الرينو ميجان التحفة ، الفابريكة منها كبيرها ب 70 الف !!!
الاسبرانزا زيها زى اى عربية بتخسر بس طبعا الخسارة فى الاسبرانزا محسوبة ، يعنى مثلا ال 113 ب 50 الف لما تيجى تبيع العربية بحالتها تجيب 40 الف و ماينفعش اكتر من كده . لان اللى يدفع اكتر من 40 الف فى عربية هاتش باك و صينية يقولك ادفعهم احسن فى اكسنت او اوبل او بيجو . فعلشان كده سعر اعادة البيع قليل ، و نفس الوضع مع ال 516 .
فى النهاية اتمنى اكون جاوبت بطريقة فيها توضيح علشان نبقى حققنا هدف الموضوع و هو : اننا كاعضاء نفيد بعض فى الاسئلة دى .
و بجد موضوع جميل جدا يا استاذ باسم و منتظرين المزيد ؛؛
|