متى يجب تغيير أبلاتين وكوندنسر الماروتي؟
السلام عليكم ،،، معايا سوزوكي ماروتي زيرو موديل 2013 عاملة 12 ألف كيلو ما غيرتش فيها أي حاجة بس من يومين بدأت تتعبني في الدوارة الصبح وتقطع في السلانسيه ... أشتريت طقم بوجيهات إن جي كي والميكانيكي ركبها ورجعت العربية زي الفل الحمد لله بس السؤال هو إن الميكانيكي وهو بيركب البوجيهات كشف على الأبلاتين وقالي أنه بادئ يلدع ومافيش داعي نسيبه لغاية ما العربية تقف خالص والأفضل نغيره مع الكوندنسر . أنا قلقان إن الأبلاتين والكوندنسر اللي أنا هشتريه مش هيكون زي الفبريكة ... إيه رأيكم ؟؟ أغيرهم دلوأتي ( مع إن العربية بتدور بسهولة الصبح ومش بتقطع ) ولا أسيبهم ( مع إن كلام الميكانيكي إن الأبلاتين بادئ يلدع وممكن يقف في أي وقت ؟؟ على فكره الكتالوج بيقول إنهم يتغيرو مع البوجيهات بعد 10 ألاف كيلو أو ستة شهور أيهما أقرب ... إسمهم في جدول الصيانة في الكتالوج distributor breaker points وأقرب ترجمه ليهم بالعربي هي نقاط التوزيع والفصل
|