المشاركة الأصلية كتبت بواسطة m_marmoush
مين قال أن مافيش عربيه عائليه بالسعر ده عشان يكون فيه منافسه؟؟
بالعكس دى ليها منافسين أقوياء و مش عارف الناس مش شايفاهم ليه؟
الصنى 87 مانيوال - 92 أوتوماتيك و 1600 برضه و فيها أير باج
الهوندا السيتى 85 مانيوال - 91 أوتوماتيك بس 1300 و اقتصاديه فى البنزين
البروتون جين تو 84 مانيوال - 90 أوتوماتيك فيها كل الكماليات و عربيه تحفه بجد (ثبات - سحب - شكل - و فوق ده كله 2 أيرباج و abs)
يبقى أزاى مافيش منافسه؟
بصراحه أنا شايف أن الماتريكس بالسعر المبالغ فى ده تعتبر أسواء أختيار و مالهاش غير ميزه واحدة و هى سعر إعادة البيع فقط
|
طبعا انت كلامك مظبوط بس من ناحيه اخرى :
الصنى : تجميع محلى و مش كتير بيعترف بالتجميع المحلى كسياره معمره (ياريت تقراء الملحق الخاص بصوت الأمه و تعرف ازاى الناس بتشتكى من التجميع المحلى) او تقفيل متميز و ايضا قطع غيار تعتبر غاليه , يعنى المقارنه للماتريكس الكورى.
السيتى: عربيه صغيره جدا من الأمام بالنسبه لأجسام المصريين و 1300 cc و قطع غيار مغالى فيها جدا يعنى المقارنه برده فى صالح الماتريكس.
الجين تو : سياره تعتبر شبابيه اكتر بكتير من عائليه و فى اعتقادى الشخصى لسه ما اثبتتش كفائه مائه فى المائه و ايضا اعاده سعر البيع منخفضه جدا جدا , يعنى برده الماتريكس تكسب .
عموما لو بصينا فى الأخر انه لحد 140 الف جنيه فى مصر يادوبك يركبوك عربيه بس لازم يكون فيها حاجه انت مش راضى عنها و فى رأيى يبقى كده كله محصل بعضه و مافيش فرق كبير فى الأخر