رد: الحمدللة استلمت اللوجان وعايز نصايحكوا بما انى اول مرة اركب عربية جديدة
الف مليون مبروك على الجميلة لوجان وربنا يباركلك فيها ويكفيك شرها ويعطيك خيرها
استمتع بالعربية و وسوقها عادى .. اول ايام بس خليك حريص شوية علشان الاجزاء العربية تطبع زى تيل الفرامل
يومين تلاتة بالكتير وحتلاقى الفرامل بقيت جيدة جدا نتيجة التطبيع
وسوق عادى وما تحسس على العربية علشان دة مش حاجة كويسة وارفع ار بى ام الى 3000 ار بى ام فى اوقات متفاوتة يعنى شوية سواقة هادية وشوية ترفع ال ار بى ام
ولا تتخطى سرعة 120 كيلو واستخدم جميع اوبشن العربية علشان لو فيه اى ملحوظة عندك تكتشفها وتعملها فى صيانة ال 5000 وان شاء الله مايكنش فى ملاحظات
لو عايز تشغل التكييف شغله بس متشغلهوش وانت فى زحمة جامدة اول 1000 كيلو بعد كدة شغله زى ما انت عايز
واخيرا عيش حياتك الماتور متليين اصلا وماتحسس عليه علشان مايكونش ماتور غشيم ونايم
|