*ملوش للازمه تروح المرور الرئيسى اللى فى محافظتك
لانهم مش بيعترفوا بيه
*انت لازم تطلع على الاداره العامه للمرور مدينه نصر(اللى بيسموه مرور الملاكى)
وبتقولهم انا عاوز اطلع رخصه دولية ويسجل البيانات اللى فى الرخصه بتاعك عنده وبيديك ورقه صغيره كده بتختمها من الظابط فى الاوضه اللى جنبها وبعدها
تطلع على نادى السيارات فى التحرير
تاخد معاك صورتين شخصيه وصوره البطاقه والرخصه والورقه اللى خدتها من الاداره العامه للمرور
وتدفع 40 جنيه وهيقولك الموظف تعالى بعد ساعتين او تلات ساعات(وهما هناك تلات موظفين واحده ست واتنين رجاله ابعد عن الست علشان على طول متنرفزه خليك مع الموظف اللى بيبقى قاعد اول واحد من ناحيه الشباك هتلاقيه اسمرانى واقرع ولابس نظاره)
لاكن لو اديته 50 جنيه ومطلبتش الباقى هيديهالك وانت واقف فى ساعتها بس هيقولك (مش تطبق الرخصه دلوقتى علشان الحبر لسه طرى)
وعلى فكره مده الرخصه الدوليه سنه واحده فقط
وبعد انتهاء السنه بتروح تعمل نفس الحوار بالظبط
وصفه ميه ميه اهه اكنك واقف معاهم هناك ههههههههههه