السلام عليكم ورحمة الله وبركاته
اولا برحب بكل اللي في المنتدي هنا وبشكرهم جدا علي المعلومات القيمة اللي استفدت منها جدا في حاجات كتير و دلوقتي اشتركت معاكم ودي اول مشاركة ليا ان شاء الله
ثانيا : النهاردة كنت بطلع الرخصة وللاسف سقطت في العملي بسبب الزحمة اللي كانت في المرور فبدل ما اكمل حرف الاس للاخر من الناحية اليمين كملته من الشمال من غير ما خد بالي لان الناس كانت متزاحمة جدا من ناحية اليمين ولما نزلت من العربية قولته انا ذنبي ايه قالي مليش دعوة تعالي بعد شهر وخد مني الورقة بتاعت الاختبار اللي فيها اختبار الاشارات والعملي وقالي تعالي بعد شهر ومعاك 3 صور ومش ردي يديني الورقة تاني
فهل انا كده بعد شهر هروح الاقي الورق دا تاني ولا خلاص علي كده اشتري ورق من جديد , وعاوز اعرفه هل اللي بيسقط مرة دا بيأثر عليه في حاجة في الرخصة وشكرا جزيلا