أشكر لك يا إسلام بيه مجاملتك اللطيفة التى أعتبرها وسام جميل أن يجذب موضوعى المتواضع واحد من أعمدة المنتدى و هو المدير العام و لكن هذا لن يمنع يا باشا تحفذى على نقطه أثارتنى بشدة وخصوصا أنها لم تكن محور تفكير و لو للحظه عند إختيارى لليون عند مقارنتها بالسيارات الأخرى التى ذكرتها
يجب أن نعترف أن مواجهة ليون للجولف لن تكون نتيجتها فى صالحها تلك النقطه لابد من أن نعتبرها فعلا حقيقه مسلم بها
طيب خلينا كده نحكم العقل لأن ده اللى أنا عملته لما كنت بفكر أشترى الجولف 5 ولا الليون ولا البرافو
1- خلينا نحط البرافو برا الكلام لأن انا لى تحفظات على العربيه دى رغم حبى الشديد و اللى أنا ذكرتها فى موضوع سابق "وسقط حبى للبرافو"
بس أه حكاية أن الليون مش هاتنافس الجولف .....طب إذى؟؟؟؟؟؟؟؟؟؟
1- الموتور واحد ....قوة واحدة و تكنولوجى واحد و شركة واحدة.....توأم مافيش فروق فى القوة نهائيا
2- الجولف فقيرة جدا من جوة و فاضية بدون ولا لمسه جمالية ولا أى كماليات ولا مجال للمقارنة مع الليون اللهم أن الليون تكتسح
يبقى ليه الجولف فى نظرك هى اللى تكسب.....عشان العلامة ولا عشان السمعة ولا عشان أيه بظبط ....فهمنى بقى عشان أنت سخنتنى
وأنا كان عندى بولو و جولف 4 قبل كدة و شفت المر معاهم الجوز