رد: هام هام هام جدا ( تقرير شامل من الألف للياء عن السيارة بولونيز ) أتحدي أن تجد مثله في مكان اخر
السلام عليكم
كنت عايز اشترك معاكم فى موضوع العربية البولونيز
اولا انا كان معايا بولونيز 1989 معدل زيرو كنت شاريها من شركة النصر اول دفعة معدلة بالدولار
العربية فضلت معايا لحد سنة 2013 وطول المدة دى موتورها اتفك مرة واحدة فقط لا غير
كنت بمشى بيها على 120 كانت كويسة ومحترمة وايدى كانت دايما فيها
العربية دى اساسا روسى كتلة شرقية فانظامها فى التبريد بيخليها تسخن بسرعة وبصراحة انا كنت مغير الرادياتير لواحد نحاس 2 ماسورة ومركب على الطنبورة بتاعتها مروحة فيات الصفرا
يعنى شغالة مع الموتور ولا عمرى اشتكيت من سخونة فيها بعد كدة
والله العربية فى زمنها تعتبر عربية كويسة جدا ومعقولة جدا
بالنسبة لقطع الغيار وخصوصا الاخ اللى بيسأل على التابلوة التسعينات المحدث
انا جبتة من عزبة شلبى اول ماتدخل الشارع من الطريق على شمالك فى واحد معلق اربع بولونيز جبت منة التابلوةعلى 400 بالفصال والتجربة واخدت كل الكلبسات معاة هدية ولروحت لكهربائى عندى انا وكان تمام التمام وبصراحة زى الفل
عموما اى حد عايز يسأل انا تحت امرة
|