المساعدة من اهل الخبرة قبل ما اتورط واشترى
السلام عليكم
انا سعيد جدا بوجود موقع عملاق للسيارات مثل مصر موتورز ويسعدنى ان اكون من اعضاءة
انا هتكلم بصيغة سريعة علشان متصدعوش منى
بقاللى اكثر من عشر اعوام افكر فى شراء سيارة ولكن بكرة الحوادث ولانى معنديش انتباة للطريق مكنتش عايز اشترى سيارة وكنت بأجر العربية بالسواق وبصرف فى الشهر 500 جنية تاكسيات وعربيات ويمكن اكثر
قررت انى اتعلم السواقة واطلع رخصة واشترى سيارة والحمد لله اتعلمت السواقة على ادى طبعا وبطلع فى الرخصة ودلوقتى بدور على عربية تناسبنى
حالتى المادية = 30 الف جنية يعنى لازم اشترى بالتقسيط من البنك
انا طويل القامة يعنى رجلى طويلة
جربت اقعد فى سيارات كتير ومكنتش باخد رحتى مع انى رفيع البدن رجلى بتخبط فى الدركسيون
من الاخر رشحوا لية سيارة من الاتى
1- سوزوكى جيمنى 90000 الف
2- تيجو سبيرانزا 115000 الف
3- زيتوتى اكسبلوجن 2 70000 الف
4- نيفا لادا 70000 الف
هتقولوا لية 4 * 4 علشان انا مش غاوى اروح لميكانيكى وخلافى انا عايز عربية تستحمل وانا مهندس كهرباء وشغلى فى العاشر من رمضان واستخدماتى للسيارة قليلة مش كتيرة قوى والمشكلة فى رجلى الطويلة
ولو فية سيارة تانية فى دماغكم قولوا عليها وليكم الثواب عند الله قبل ما اتورط واشترى
انا متزوج وعندى طفلين مش لوحدى يعنى بس مش بخرج بالعيال كتير
منتظر ردودكم واقتراحتكم واى سؤال انا حاضر
|