كيا ومركز صيانتها فى صيانة الالف تقرير حصرى لمصر موتورز
اليوم هحكى لكم عن تجربتى مع توكيل كيا فى صيانة الاولى لعربية كارينز فى مركز صيانتها فى روكسى مصر الجديدة
بداء الموضوع انى اتصلت عليهم من يومان فى رقم الخدمة الخاص بهم 19542 سالنى صيانة الاف الاولى نعم
قولت لهم عايز اقرب مركز ولانى عارف ان فى مركز فى مصر الجديدة عند سينما ركسى طلبت اقرب حجز هناك
قلولى فى صباحا من الساعة 8 الى 10 وفى ليلا من 6 الى 8 مساء قولت لهم عايز اقرب موعد قالى لو صباحا هيكون بعد يوم 28 ولو مساء ممكن يكون على يوم 22 قولت لة عايز اقرب موعد قالى فى يوم الثلاثاء 18 وهيكون الساعة 7 قولت لة اوكى وادانى رقم الحجز وقلى الصيانة هيتم فيها تغير زيت 10 الف وفلتر ودة ال هحاسب علية وتربيط عفشة ومراجعة على العربية بالكامل
وبلفعل تانى يوم روحت الجو هادى جدا هناك وبعدين تدخل ويجى مهندس يستلم العربية وياخد شوية معلومات وطبعا رحتلهم قبل الموعد بحوالى 15 دقيقة وبعدين توقع على الورقة بتاعت الصيانة ويقولك هتتكلف 283 جنية ويقولك العربية هتاخد وقت من 30 دقيقة الى 45 دقيقة
ويقولك اتفضل فى الاستراحة داخل المعرض ال عملينة لعرض العربيات وجلسة مريحة
تجلس وتتفرج على التلفزيون وطبعا تتفرج على العربيات ال عندهم من باب تضيع الوقت ويعدى الوقت عليك وطبعا المدة ال قال عليها بتذيد طبعا نسيت اقولكم ال اليوم دة طبعا الجو مطرة اخر حاجة والشوارع والطينة كانت جمدة
بعد مياكلك الملل من الانتظار وانا لا احد الانتظار الكثير تبداء تسال تجد ورقة جيالك تدفع المبلغ ال قال علية 283 جنية فاتورة مكتوب فيها الاتى
30 فلتر زيت
227.65 زيت 10 الف كم
مصنعيات مجانا
25.76 ضريبة مبيعات 10%
يطلع المجموع
283.41
تدفع وتاخد ورقة مكتوب فيها تصريح خروج سيارة تطلع تجد عربيتك مركونة
وكمان مغسولة ناس كويسة بجد
انطباعى عن المركز دة
مركز هادى جدا يمكن علشان فى اليوم دة مطر رغم ان فى عملاء بيعملوا صيانة برضة
مفيش شى يتم ال وتجد واحد يجى يقول استاذ .......... ويخدة على جنب ويقولة عربيتك عيزة تيل فرامل نعمل اية وطبعا ليك حرية الاختيار فى عمل الشى دة الان ولا بعدين
طبعا كاى مكان بيتم فى البيع كعادة الوكلاء عند البيع واحد رايح يحجز عربية مش عيزين يدولة ورقة تفيد انة دفع حجز عربية ورقة عدية تقول انة سلمهم مبلغ والراجل لانة دقيق عمل مشكلة على خفيف عايز ورقة وضحة تقول انة دة عربون العربية ال هو حجزها
وبعد مجبولة ورقة كان كتبين فيها كلام بالانجليزى من تحت بتاع الخزنة والمبيعات ميعرفهوش اما العميل لانة دقيق قراء الكلام لهم وقلهم ارجوا تغير او اضافة جملة ان لازم التسليم يكون فى خلال 60 يوم فقط لان هما كتبين ان التسليم ممكن يكون فى خلال المدة دة او اكثر
كيا بتحاول تحسن تعامل العملاء لها فى مصر وبتحاول تظهر بصورة كويسة لسة محصلش ضغط عليهم قوى كمراكز خدمة تانية
الخدمة كويسة وموضوع الشغل ليلا كمان كويس دورهم كويس خدمة كويسة
معلومات الناس هناك بسيطة حتى بتوع المبيعات والناس ال بيقول عليهم مهندسين لا اعتقد ذلك وانما ممكن يكون مدير ورشة او مراقب عمال لان معلوماتة بسيطة
تحس وانت هناك انك فى مركز بيحاول يكون لية دور وصورة فى مصر ال هو مركز كيا
بداية موفقة لكيا واتمنى ان ارهم بعد 5 اعوام بعد حجم المبيعات الكبير لسيارتهم فى مصر فى خلال اخر عامين لهم
|