[eng_dos]

أتمني ألاقي عندك تفسير لمشكلة بتحصل عندي
أنا عربيتي لانسر 2008 الشكل القديم .... ولاحظت عند الفرملة بالضغط القوي علي دواسة الفرامل يعني التوقف المفاجيء .... بسمع صوت تكتكة ناشفة عدة مرات في العجل الخلفي... بحس ان التيل بيمسك ويسيب 3 او اربع مرات ورا بعض ... بس مش بشكل ناعم ... انا شكيت ان التيل متاكل وان الأحتكاك ده بقي في الطنبورة ... بس فكيت العجل لقيت التيل حلو وكويس... وسألت ناس مختصة قالولي كده ان ال (ايه بي اس) فيه مشكلة ... حاسس ان حساس السرعة والتلات صمامات اللي بتفتح وبتقفل مظبوطة ... لو عندك تفسير او خلفية يا باشا ياريت تشرفني بردك الوافي وتفسيرك ... لأن حاسس ان التوكيل هيغيرلي وحدة ال(ايه بي اس) كلها ومش هيصلح الوحدة وهدخل في حوار سبع تمان تلاف جنيه كده بالميت وأشكرك ياباشا
وبالمرة سعر وحدة الأيه بي إس وسعر مصنعية تغيرها ولك جزيل الشكر