رد: خبر الموسم : فيات ستبيع تاتا نانو تحت علامة فيات
ايه ده ايه ده انتو ليه كده يا جماعة
اولا تاتا خطت العتبة الاقتصادية بامتلاك شركات لاندروفر وجاكور والعالم صحى لقى تاتا معاهم على طاولة الكبار
ثانيا تاتا عدت العتبة الصناعية بتقديم اصعب معادلة لانتاج سيارة اقتصادية جدا وكانت تاتا نانو ارخص عربية فى العالم حتى الان
ثالثا فيات هتطور وتصنع اجزاء وده فيه ميزتين لتاتا اولا هتتعلم وتوطن تكنولوجيا جديدة من غير ابحاث ولا تجارب وثانيا هتعلى قيمة العربية فعلا وهتخليها تخش بيها اوروبا وامريكا بالمؤهلات التكنولوجية المناسبة
اما فيات فهتستغل قدرات تاتا التصنيعية ونموزج النانو لانتاج سيارات رخيصة فعلا لاكن بجوده ومواصفات معقولة
وتاتا هتنتج اكسسوارات بشكل ماس برودكشن فيات هتسوق وتبيع فى اسواقها وبرضو هتخش بالعربية فى امريكا والدنيا كلها بعربية اقتصادية حتى النخاع وخبرة فيات فى الموضوع ده قديمة ورائدة ونانو خامة بداية ممتازة علشان يعملو ده
فليه منتمناش انهم ينجحوا يمكن يطلعوا ب 127 تانية مثلا او اونو جديدة حاجة بالفكر ده وخاصة ان فيات معندهاش حاجة فى الشريحة ديه دلوقتى
تخيل انت لو عملو عربية بعد جماركها وكل حاجة تبقى فى رينج 30 - 40 زى الماروتى كده بس بشكل وكماليات وتكنولوجيا احدث ومواصفات امان اعلى وعليها علامة فيات وبتتقفل ولا بتتصنع حتى فى الهند هتبقى وحشة !!!!
وبعدين بتخرف ليه وبتهرتل ليه ما هيوندايك (على وزن صنونتك) عندها موديلات بتتصنع حصريا فى الهند ونفس الشريحة ديه برضو
ورينو عاملة اللوجان بالاسلوب ده
والبافرية عاملة كده مع برليانس وان كان باسلوب مختلف
وكريسلر زى ما قولت بتاخد عربيات من شيرى وتنزلها باسمها اخر حاجة افتكر كانت ببتيعها فى المكسيك
وغيرهم كتير جت بقى على الفيات اللى عايزة تعمل اى حاجة علشان ترجع اسمها تانى للسوق ومستكتر عليها تحالف زى ده
ياراجل ده اسم فيات جمب صورة النانو فى حد ذاتة دعاية لفياتptmnlo123per1130
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
التعديل الأخير تم بواسطة AbOnOrA ; 25-07-2008 الساعة 02:34 AM
|