بالله عليكم ادعولي ولابني
في بداية الموضوع احب احزر كل اب وام من التهاون في حق ابنائهم
وان يفرحو لما يشفوهم بيتنططو زي العفاريت
انا ربنا كرمني بطفلين معاذ ومهاب وسنهم مقارب من 5 الي 3
والاتنين جوز عفاريت بجد من تنطيط علي جميع اجزاء الاساس
ساعات اكون فراحان وساعات اكون حاسم
بس من هنا ورايح انا وانتم لازم نكون حاسمين
معاذ السنة الي فاتت وقع من علي السرير واخذ ثلاث غرز خلف الراس
طبعا مكان صعب والحمد لله عدت علي خير
والسنة دي مهاب وقع من علي السرير وزراعة اتخلع والحمد لله ردناة وجبس
والاسبوع الي فات مهاب بية تاني وقع من علي الاريكة والعظمة التي خلف الكوع اتكسرت واتجبست
المعلم اوقع علي العجلة اكيد كان بيعملها ديتيتي مصارعة
من الاسبوع الي فات وانا في دوامة ومش عارف اعمل اية
دكتور يقولي لازم عملية بسلك معدني علشان العظمة ماتلفش
والتاني يقولي نسبها اسبوع ونشفها
امبارح عملت اشعة رقم اربعة في دار الاشعة وهناك قالو لي لازم عملية
روحت لاتنين داكترة امبارح والاتنين اجمعو سبها علي كدة كمان اسبوع
واخر كلام حنتظر حتي الاسبوع القادم واعمل اشعة تانية ونشوف اتجاة العظم
هل لحم في مكانة ولا ربنا يسترها
ادعولي بالله عليكم ربنا يلهمني الصح علشان ما احسش بالزنب تجاة ابني
وبالله عليكم ماتفرحوش بعيالكم وهما بيتنططو علي الاساس
|