[عصام غنايم]

بسم الله الرحمن الرحيم في البداية أخي العزيز أبو فاااااارس الواحد مش عارف يقولك أيه لكن بصدق حضرتك مخلص جدا في شرحك وبصراحة مبسط لدرجة واحد زيي مبتدئ في عالم السيارات ممكن يحفظ الصور ويشتغل هوه لكن الصراحة وأرجو ياأخي العزيز أنك متكسفنيش وتنصحني معايا 14 ألف وبصراحة المقارنة تعبتني بين الفيات 131 والبولونيز أو الفيات 128 موديل 85ومش عارف ليه كل أما أسأل ميكانيكي يقوللي هات 128 موديل 85 لكن بصراحة كل قرايبي عمالين يقولو 131 مو 81 1600 وحاسس أنا شخصيا أن البولونيز أجدع من الأتنين . الحقيقة الحيرة صعبة وخاصة أنني لسة مطلع رخصة فياريت حضرتك ترشدني أجيب أيه؟؟؟؟

بص يا سيدى

اللى اهم من نوع العربيه حالتها

انا عن نفسى هرتبهملك من خلال خبرتى

1 فيات 131 الموتور ال 1600

مميزات
( عربيه فيها كل حاجه موتور قوى , دفع خلفى , صالون واسع , شنطه كبيره , ثبات )

عيوب
( موديل واطى , بتاكل بنزين , عواجيزى )


2 فيات 128

مميزات
( اقتصاديه , قطع غيار متوفره , عمليه , شبابيه , اعلاهم فى الموديل )

عيوب
( بتفسخ شاسيه , صالون صغير , مفيش ثبات بعد ال 120 )


3 البولونيز

مميزات
( واسعه , عاليه , قويه )

عيوب
( شكلها غلط , مسمعتش عن الثبات , انا مبحبهاش )

طبعاٌ ده رأيى شخصى

وانت سيد قرارك

والأفضل انك تجرب سواقة كل واحده فيهم وتحكم بنفسك وتشوف هتستريح لمين

وزى ما قولتلك قبل كده

مش مهم العربيه المهم الحاله

وربنا يوفقك الى ما فيه الخير لك