|
محتاج اراء ناس مجربة ماتريكس اوتوماتيك..
اولاً : يا جماعة انا جديد فى المنتدى و دى اول مشاركة ليا...و انا معجب جدا جدا بالمنتدى و مبسوط ان فى ناس بتحب تفيد بعضها و مفيش حد بيبخل بالنصيحة على حد.
ثانباً : انا معايا جولييت و طبيعة عملى مهندس مبيعات و بسوق حوالى 300 كم يوميا على اسوأ 3 طرق فى مصر ..اسكندرية القاهرة الزراعى ثم الدائرى ثم اسماعيلية الصحراوى... و مش قادر تانى على المانيوال خلاصصص
فقررت اشترى اليومين دول عربية اوتوماتيك و امكانياتى الى 75الف و ده اقصى حاجة و هكون متشحور خالص و اتمنى انى اشترى اقل من كده ب 5 الاف...المهم الفرق اللى هحطه بعد ماببع عربيتى حوالى 30الف تعب 3 سنين شغل عشان كده نفسى تفيدونى...انا معجب بالماتريكس جدا عشان عائلية خصوصا انى عندى طفل 3 سنين و فى واحد تانى فى السكة..غير انى القيادة فيها مريحة خصوصاً ظهرى تعبنى من اللانوس جدا...غير كده 70 الف تجيب عربية كويسة و عملة كيلووات قليلة...بس عايز النصيحة و انا شرحت ظروف شغلى ايه رايكم ؟؟ و العربية عاملة ايه؟؟؟ و احسن موديل ليها ايه (مستعمل)؟؟؟ انا اسف على التطوول بس فرحان ptmnlo123per154عشان اول مشاركة 
|