[محمدصلاح القاضى]

انا ملاحظ من فتره وانا مسافر طنطا من على طريق المحله طنطا
وجود عربيه لانسر بومه قبل قريه الرجديه بحوالى 1 كيلو متر
العربيه تقريبا موديل من 2007 لحد 2009 اللون فضى ميتالك
العربيه واقفه فى المعاكس وواقفه مجنبه بحيث ان الربع الامامى فى اتجاه القادم من المحله
العربيه حالتها متبهدله يعنى الاكصدام الخلفى مش موجود غير انها مسروق تقريبا من جنط اللى ورا يمين ومرفوعه على طوب وهى على الوضع دا من اسبوعين فاتو ومتركب عليها نمر الغربيه لكن الرقم مش واضح او تقريبا النمر مضروبه لانها مكتوبه مش بارزه
وللاسف الموبايل بتاعى ضاع من فتره والا كنت صورتها ورفعتها هنا فى المنتدى -
والعربيه مش مخبوطه عشان حد يقولى انها واقفه حادثه ولا حاجه
فياريت الاخوه اللى من المحله ويبروحوا طنطا ممكن يساعدونى بانهم يرفعوا صورتها

ومن يريد العنوان بالتفصيل لرؤية السياره عليه ارسال رساله على الخاص وانا بكل حب وتعاون هساعده
وربنا ما يكتبها على حد ابدااا