رد: مارائيكم فى اسبرانزا شيرى A11
بص يا سيدى العربيتين المذكورين مع اتنين اصحابى وبركبهم كتير واقدر احكم عليهم
الشيرى A11عربية بالدرجة الاولى اسرية جدا مبنية على شاسية الـ سيات توليدو موديل 97 تقريبا
صالون واسع جدا خصوصا اللونج منها
باور ممتاز
تكييف ممتاز
فرامل فوق الممتازة
موتورها فورد 1600 وحاجتة موجودة ومش غالية
الات الجر بتعتها 99 % منها هى جولف 3
قربة المياة جولف
شنطة واسعة وفيها ثبات ممتاز
عيبها
شكلها مش حديث
اماكن زراير الازاز مش طبيعى وغبى
قطع غيارها موجودة فى التوكيل اول طريق الاسماعيلية وموجودة فى الحرفيين كتير
والعربية دى مناسبة اوى لاسرة وفلوسها زى الاكسل لكن من وجهه نظرى هى افضل بكتير اوى من الاكسل
اما الجيلى CK
شكل حديث تحس انها مينى مرسيدس
قطع غيارها موجودة جديد عند ابو عوف وقاصد كريم فى التوفيقية
وموجودة استيراد فى الحرفيين
عربية صالونها اد الفيرنا
موتورها هو تويوتا عيون 99 موتور فوق الممتاز والتسارع بتاعة اعتقد احسن من الفيرنا
عربية خفيفة وحلوة اوى فى المناورات
تكييفها كويس والباور حلو اوى
عيبها
خامات الصالون تعبانة جدا جدا جدا
وبحس انها ديقة حبتين
نفس الكلام ينطبق على الـ mkمن حيث الموتور لكن انا مركبتهاش قبل كدة
لو عاوز عربية لاسرة خليك فى الـ A11
لو شاب ولوحدك وبتحب الشد خليك فى الجيلى
__________________
يااااااااااااا رب
إرحمنا بقدرتك علينا
|