السلام عليكم جميعا ...
ان شاء الله بإذن الله في نيه لشراء عربيه قريب لكن لسه مفيش ميزانيه محدده ولا اي حاجه في الدنيا ... كنت بس عايز اعرف ايه المتاح علشان ابتدي اعمل حسابي ...
حاليا بسوق إلنترا أتوماتيك بس دي بتاعت الحاج و انا كنت متعلم السواقه علي مانيوال و طبعا الاتوماتيك أريح بكتير جدا جدا من المانيوال و كذا حد من اصحابي زهق من المانيوال و غيروا العربيات و جابوا اتوماتيك و لما مشيت علي الطريق كتير اتأكد ان احنا في زمن الاتوماتيك ...
شخصيا بحب الفيرنا جدا و مش عايز عربيه كبيره في الحجم كل ماكانت صغيره و ملمومه كلما كان افضل حتي لو حاجه هاتش باك برضه مفيش مشكله بس بصيت علي تمن الجديد من الـi20 و البيكانتوا و طبعا اسعار مبالغ فيها جدا و تجيب لانسر مثلا ولا حاجه ...
انا عايز العربيه بأقل ميزانيه ممكنه و في نفس الوقت يكون فيها كل الكماليات ....
عارف ان عدم تحديد الميزانيه ده هيخلي الاختيار صعب و عايم لكن محتاج مشورتكم ...
شكرا جزيلا و جزاكم الله كل خير ...