المشاركة الأصلية كتبت بواسطة mooneyes
اولا يا شباب تحية وتقدير لكل اعضاء المنتدى الكرام ..
ثانيا يا شباب ندخل فى الموضوع ...وهو انا عاوز اعرف كيف يتم حساب الجمارك على سيارات المعاقين..
كمثال / سيارات فى المانيا زى الباسات موديل 2000 ثمنها حوالى 1500يورو وبيزيد وبيقل حسب الحالة ..
- نفترض ان انا اشتريت السيارة دى وسعرها 1500 يورو= 13000 مصرى ..
ازاى احسب الجمارك بتاعتها قبل ما خالى يشحنها ..عشان مش اشحنها ويقولولى بعد خصم ال 20000 اللى هما بتوع المعاقين هتدفع كمان 20 الف ههههههههههه..
وهل الجمارك محسوبة على الثمن اللى انا اشترت بيه السيارة ولا الثمن اللى السيارة كانت بيه اول ما نزلت..وبتتحسب ازاى..
- كم تتكلف شحن السيارة من المانيا لمصر ..انا سمعت انها 400 يورو ..فهل حد عارف التكلفة ولا لأ؟
|
انا متحير زيكم يا جماعه عاوز انزل عربيه لاخويا المعوق ومش لاقى معلومات كافيه عن الموضوع ده وروحت القنصليه فى فرانك فورت اسئل عن الموضوع ده الاقيهم يقولوا ان الموضوع ده مش من اختصاصهم ولازم ازهب الى المكتب التجارى فى السفاره فى برلين طبعا اخزت رقم المكتب التجارى وعلطول اتصلت بيهم فردت عليا ست المانيه لا تتحدث العربيه وسئلتها على الموضوع قالتلى انها ليس لديها اى معلومات واعطتنى ويب سايت المكتب التجارى فى السفاره علىشان اجمع من عليه المعلومات الخاصه بالموضوع طبعا الويب سايت مابيفتحش معايا نهائ لكن بعد الفحص والتمحيص توصلت ان عربيات المعوقين ما بيشترطش فيها انها تكون موديل السنه وديه نقطه ايجابيه لكن الى انا عرفته من مسؤل الاستعلامات فى القنصليه فى فرانكفورت انه يشترط ان لا يزيد سعه المحرك عن 1600 سى سى طبعا انا صدمت من كلامه بس فى الاخر قالى انه مش متاكد قوى من الموضوع ده لانه مش من اختصاص القنصليه .
معايا زميل فى العمل من غانا بيشتغل معايا قالى انه شحن على غانا عربيه بى ام دبلو الفئه الخامسه سعه المحرك 2200 بقوه 177 حصان موديل 2005 وشحنها ليه شخصيا على اساس انه يستخدمها فى بلده لما يروح اجازه هوا واولاده طبعا قالى ان دفع على العربيه 5 الاف يورو تخليص كل رسوم الجمارك والرسوم المستحقه عليها فى غانا علاوه على رسوم الشحن وافرج عنها من الجمارك فى غانا بكل سهوله بعد وصولها الميناء فى غانا بدون اى اعاقات او دفع رشاوى او غيره . اول ما قالى على المعامله فى بلده بالسهوله ديه طبعا زعلت على الى بنشوفه والى بنسمع عنه فى الجمارك المصريه .