رد: احسن طريق للغردقة من اسكندرية ؟!!!!!!
انا روحت الغردقه بالعربية من اسكندرية في 9 ساعات
الطريق كالاتي:
طبعا انت حاتفول العربية في اسكندرية
تعدي بوابة القاهرة (الهرم) وتمشي ماتتطلعش المحور وتكمل بعد كده حايقابلك كام مطب صناعي وانت في اتجاه ميدان الرمايه وحتلاقي نفق انزل فيه وبعدها الدائري تعدي من تحته في اليمين وتطلع عليه (مثل دخله الدولي من تحت الصحراوي وانت جاي من كارفور ورايح 45 ) تمشي شويه مش كتير تلاقي على يمينك في الدائري نزلة فيصل والهرم سيبك منها ادخل النزله اللي بعدها اللي هي طريق المريوطية وكمل طوالي ماتسيبش الجزيره اللي في النص لحد ما تلاقي كارفور المعادي واضح على الطريق الدائري وبعده بشويه تلاقي على اليمين نزلة طريق القطامية العين السخنه -- تقطع الكارته ب 5ج وتكمل الطريق واقصى سرعه 120 كم/ساعه يعني تقطعه في ساعه و10 دقائق في اخر الطريق بوابات تعديها وتدخل يمين تمسك طريق العين السخنه - الزعفرانه حتمشي شويه تلاقي بنزينه وطنيه على اليمين قبل بورتو سخنه تفول العربه تاني وتكمل بالسلامه الى الزعفرانه وخللي بالك من المنحنيات خطيره جدا وخصوصا بالليل وبعدها تقطع كارته في الزعفرانه ب 3 ج تقريبا وتاخد الطريق الى رأس غارب ثم الى الغردقه. وتوصل بسلامة الله ان شاء الله
__________________
يا حبيبي يا
محمد
يا رسول الله
|