المشاركة الأصلية كتبت بواسطة mtema99
عايز اسأل الاستاذ احمد انور سؤال
ايه سر اعجابه ب بروتون
و معناها ايه اتمسكن لحد ما اتمكن ديه
|
اعجابي ببروتون ،،
لانها شركة من دولة اسلامية تعتمد علي نفسها او بتحاول علي الأقل
ثانيا انا العربية البروتون اللي جربتها
حسيت مجرد احساس ،، ان ادائها قريب من الالماني
اخيرا ، انها ما زالت علي العهد مع المستهلك انها تقدمله عربية بسعر معقول
معني كلمة
اتمسكن لحد ما اتمكن
اللي بوصف بيها السيارات اليابانية
ان السيارات اليابانية كانت زمان حسب كلام اهالينا
بتقدم عربيات عملية جميلة بسعر زهيد و مصاريف اقتناء قليلة
و غيرت فكر المستهلك اساسا ان كل شئ رخيص = سئ
دلوقتي السيارات اليابانية مبقتشي بتقدم ده للمستهلك
اسعارها زيها زي الاوربي بسبب ان كلمة ياباني بقي ليها سعر
رغم ان ادائها مختلف عن الاوربي
هيا دي اللي اتمسكنت لحد ما اتمكنت
و ما تقوليش اللكزس و الانفنتي و الاكيورا
انا بكلم علي الجولف و الكورولا او الياريس و البولو و العربيات اللي بتوصلنا مصر
لان طبعا الفئات الفاخرة لازم ترضي عميلها اللي بيدفع تمن ده