[esafegypt]

انا معاك فى الموضوع انه مفيد بس عاوز تفكير عميق وللاسف الناس اللى علقت على الموضوع كلهم قالوا لا وخلاص وقفلوا الدنيا الراجل عاوز يفكر شوية لحماية البودى البلاستيك اللى موجود فى اغلب السيارات الان يعنى مثلا فيها ايه لو الاكصدام كان صاج خفيف موش بلاستيك على الاقل ممكن يروح لسمكرى ويعدلة تانى لكن العربيات الحديثة كلها لو الاكصدام حصلوا حاجه بتلحم الجزء المكسور وترشة وتمشى بيه او تشترى اكصدام جديد وخلاص وطبعا ده مكلف جدا

والامان فى العربيات موش بيتحسب بالصاج خفيف وال ثقيل وطبعا الصاج الثقيل افضل والدليل على كده ان العربيات الغاليه زى البى ام دبليوا والامريكانى الغالى كلهم لسه شغالين بالصاج الثقيل ممكن يكون خف شوية لكن لو هنقارنه بالصاج بتاع العربيات الاسياوى هتلاقوا ان الصاج الامريكانى افضل واقوى بكتير واللى موش مصدق يفتح اى فيديوا فيه فلم اجنبى اكشن ويشوف العربيات بيتعمل فيها ايه فى الفلم ولسه ماشية وماسكه نفسها لكن لو الفلم متصور بعربية لانسر مثلا وال هيونداى وال اى عربية فيبر من الموجود فى السوق المصرى مكنتش هتستحمل اكتر من 5 دقائق من اول الفلم ههههههههههه

الامان = صاج قوى وحزام امان وكراسى صالون كبيرة ومتينة وزجاج مبطن + اير باج فى كل مكان فى السيارة .....
لكن لو الصاج تعبان زى اللى موجود هنا فى مصر يبق الله يرحمك ويحسن الليك يعنى انا حتى الان مشوفتش اى حادثة على الطريق بعربيات حديثة وطلع منها احياء كلهم بيموتوا ولا حول ولا قوة الا بالله
زمان لما العربية كانت بتتقلب كان ممكن تلاقى اللى جواها لسه عاييش لكن الان بالعربيات ام صاج ورق دى لما بتتقلب السقف بينزل على الناس من اول قلبة وبيموتهم

اما عن فيديوهات الحوادث ده كله كلام هجص علشان الشركات تعرف تبيع لكن الحقيقة مره وصعبة واللى عاوز يشوف فيديوا عن اختبار حوادث لعربية معينة ينزل ويدور فى الاقسام بتاع الشرطة على الحوادث ويسأل عن نوع العربية واكيد هيلافقى نفس النوع عمل حادثة ويشوف بنفسة فى المحضر كام واحد عاش بعد الحادثة وساعتها هو ده الواقع