[مروتي 31]

السلام عليكم
يا استاذنا الكبير انا فات على موت امي الله يرحمها خمس سنين تقريبا و لازلت أبكيها , ناس قالوا كل حاجة تبتدي صغيرة و تكبر الا الحزن بيبتدي كبير و يصغر , بالنسبة ليا انا لا همي و لا حزني و فارق امي الله يرحمها لسه زي ما هو و احيانا بيكبر أكثر لما بلاقي نفسي في موقف محرج و نفسي ابكي ملاقيش صدر ابكي عليه زيها
عزائي عيالي و اهلي القريبين من يوم ماراحت راحت ضحكتي الحقيقية ما فضلش غير دمية ماريونيت تستهبل و تقول انا كويسة يا فندم علشان ما يسالوهاش ليه

يارب يباركلك بعيالك و اهل بيتك و يصبرك و يغفرلها و يسكنها فسيح جنانه يارب آمين

و بلاش و حياة أغلى حاجة عندك تزعل نفسك كلنا هنا اخوانك و اخوتك و اظن ان اصحاب المنتدى أهل و حبايب وقت الشدة بيكونوا موجودين .
ربنا يخفف عنك يارب و الله ما عارفة أكتب ايه و لا أقول إيه قلبي بيتقطع و الدموع بدأت و نفسي أقول تاني للحجة يا أمي أو اناديها بياعمري زي ما كنت بناديها .

ربنا معانا يارب