رد: سؤال عن الفلوانس 2012
1- انا من محبي رينو وكان معايا كليو 2003 والعفشة بتاعت الرينو عامة مش طرية اوي بس جامدة ومتينة وبتبدء تتعب بعد فترة طويلة وكمان ثبات العربية كويس جدا
2- فعلا السحب بتاع العربية ضعيف شوية وده لان الحصان بتاعها قليل 105 حصان بس العربية بتحس بضعف السحب في الطلعة بس ولكن على السرعات العالية كويسة جدا وبعدين في نقطة مهمة لازم ناخدها في الاعتبار ان العربية عربية وقورة شوية فهيه مش بتاعت جري وغرز وحجات كده العربية تتمتع في في ظروف القيادة المعتدلة العائلية اكثر من الشبابية
3- من وجهة نظري مقارنة بالعربيات الي من نفس الفئة الاوربية طبعا التكييف معقول جدا وسرعة التبريد فيه جيدة
4 - للاسف انا من القاهرة بس اسعار قطع الغيار عادية بالنسبة لباقي العربيات من نفس الفئة ومن ماركات اخرى وبعدين على ما اعتقد التوكيل في العامرية على الصحراوي بس من تعاملي مع التوكيل سابقا همه ناس محترمين جدا والمهندسين بتعهم فاهمين
اتمنى ان اكون افدتك والعربية الي معاية هتم 5000 كيلو كمان كام يوم فلما اروح اعمل صيانة ال5000 هعمل تقرير عما تم في اول زيارة للتوكيل لنشر المعلومة لكل الاخوة الافاضل
|