[AbOnOrA]

على فكرة كلامى معاك على الخاص لا يختلف عن كلامى على العام بالعكس الاتنين بيكملو بعض والاتنين فى السياق والاتنين كتبتهملك بمنتهى الحب والاحترام والتقدير والتشجيع كمان معرفش انت ليه فهمت شمال ومعرفش ليه خدت الكلام من الخاص وحطيته على العام وانت عارف ان ده عيب وميصحش

بس علشان الناس متوهش مننا نقول من الاول

حضرتك بعت لى الكلام ده ...

نسبة التخلف كبيرة للمستهلك المصرى ودائما تجد افتاء بدون علم واللى يقولك البساتم هتصدى واللى يقولك الشكمان يتاكل من الملح وحاجة تقرف ولا حد فاهم اى شىء عن الهيدروجين والماء وخليهم بقى يشتروا لتر البنزين خارج الكارت الذكى ب 6 جنيه عن قريب انت راءيك ايه ؟! انا احبطت جدا من عدم فهم او تفاعل اعضاء المنتدى وصدقنى مصر موتورز كان سلوتى الوحيدة علشان افرغ كامل طاقتى عن العربيات واديت كل خبرتى للمنتدى بتاعك ومبقاش عندى شعور انى لازم اكمل فى ضخ معلومات هتبقى مجرد وثائقية لن يستفيد منها اى احد !!

وبالرغم من انى معجبنيش اسلوب كلامك على الناس والنظرة الفوقية اللى بتبص بيها ليهم ووصفك للمنتدى لكن كل ده تجاهلته ورديت عليك بالرسالة اللى انت حطيتها هنا وشجعتك تنشر افكارك فى كل حته مش بس فى المنتدى
وبعدها بدقائق لقيت الموضوع ده ورديت عليك علشان اوصلك فكرة ان فيه مواضيع بتهم غالبية الناس زى ده على عكس مواضيع الطاقة البديلة اللى مبتهمش غالبية الناس سواء فى المنتدى ده او اى حته تانية

وهزرت معاك هنا بعشم وقولتلك كل عيش يعنى كبر مخك مش يعنى بيع واشترى
ولما شبهتك بنيكول تسلا ده مش حاجة وحشة ولا اسائه لو بتفهم بس انت فهمك كله لكلامى واضح انه غلط وانا اسف انى رديت عليك سواء على الخاص او العام صدقنى خليتنى ندمت ولو كنت فهمت البانر اللى عملته لنيكول تسلا كنت فهمت قصدى بس واضح انك شايف نفسك اعظم من تسلا واعظم من الانبياء كلهم حتى ولازم كلامك يتبعة كل اهل الارض من ادناها لاقصاها والا يبقو مبيفهموش حاجة ومتخلفين وميستاهلوش معلوماتك

انا اسف يا عم ادماير وليك على مش هرد عليك تانى ابداً