[وائل احمد السيد]

السلام عليكم
بالنسبة لمرور السلام امرها سهل اول واخر حاجة ممنوع انك تسلم اى حد اوراقك علشان يخلصلك الرخصة وانت قاعد على القهوة اللى قصاد المرور لانهم شوية بلطجية وحرامية وولاد 60 فى 80 ومش هتعرف تعمل معاهم اى حاجة لانهم كلهم مع بعض ومعاهم اسلحة بيضا من كل الاطوال
اهم حاجة انت تخلص ورقك بنفسك ولا تحتك بيهم ولا تعطى فلوس لحد انت خلص حاجتك بنفسك
انا رخصت هناك بنفسى وعملت كل حاجة بنفسى وعلى الساعة 3.30 عصر كنت مستلم رخصتى
انما يجى واحد شمام يقولك هخلصلك الرخصة والمخالفات واخد منك 100 جنية وانت قاعد على القهوة هتلاقية جايلك ويقولك المخالفات طلعت 800 جنية وانا بمعرفتى واتصالاتى خلتهم 700 ولا فية اى اوراق لاثبات مبلغ المخالفات واساسا لاتوجد مخالفات الموضوع نصب وصوت عالى وخناقة وهتدفع يعنى هتدفع ولو حاولت تروح للشرطة مش هتلاقي شوية البلطجية خالص وانت اللى هتدورعليهم مش هتلاقيهم خالص ( وهما ساكنين بجوار المرور فى شارع المرور مساكن النيل) علشان معاهم اوراقك وتبدأ المساومات
ربنا يزيح الهم دة وتلتفت الية يد التطوير للخلاص منهم لانهم زى السرطان بالمنطقة كلها
تحياتى للجميع وكل عام اونتم بخير