عندى مشكله ف سحب ماتور بولو 1999 -1000CC
بسم الله الرحمن الرحيم
رمضان كريم عليكم جميعا
المنتدى كويس جدا والمعلومات مفيده جدا
اولا انا كان معايا اوبترا 2006 مانوال 1600CC بوصل بسرعتها ل 180 بالمجمل كانت تمام بس كانت مشكلتى طرمبة البنزين غيرتها كذا مره.
.
.
.
المهم اشتريت بولو 1999 -1000CC نظرا لوضع مادى مؤقت انشاء الله
جبتها على 34.500 تقريبا ده متوسط سعرها .. اول مره اركب المانى.
.
.
سحب المكنه زفت خالص الغيار الخامس بتجيب ال 110 بالعافيه+بعد كل مطب بتاخد حوالى 15 ثانيه كده بطيعه مع انى دايس على دواسه البنزين.
.
.
غيرت سير كاتينه ب 80ج - فلتر هوا 80ج - فلتر بنزين 40ج - طقم بيجوهات 65ج - شاكوش اسبراتير 60ج.
.
.
وده الحجات الى طلبها الميكانيكى وقال هى عايزه طرمبه جديده.
فيه فكره واحد صاحبى قالى ممكن تغطس الطرمبه فى ميه نار مخففه وبعدها خل او كربونات عشان تنضف من البنزين ال 80.
.
.
افيدونى افادكم الله .. هغير طرمبه .. ولا اغسلها بميه نار بس تقريبا الطرمبه اله كهربيه ممكن ميه النار تبوظها.
.
.
ولو حد عندوا حل تانى يقولى
.
.
شكلى هسقط مكنه 1600 2 كامه بتاعت جولف واريح نفسى بس انا عايز حل مؤقت لحد ما ربنا يفرجها.
.
.
حاجه اخيره يا تشغل التكيف يا تشغل العربيه .. حاجه واحده منهم تمشى.
|