المشاركة الأصلية كتبت بواسطة faroog
هذه هى ملاحظاتى بعد أول 1200 كم وياريت حد يعلقلى عليها:
1- العربية تحفة بمعنى الكلمة
2- يوجد زى عضة فى الفتيس بلاحظها لما باجى أجيب الغيار الأول بحس إنه فى حتة عصلجة كدة....إيه حلها؟؟
3- لما باجى أطلع بالعربية على الأول بتبطل منى خصوصا لما أكون طالع مطلع أو مطب
4- ساعات المارشدير مابيجيش معايا يعنى أرجع الفتيس و أدوس بنزين والعربية ما تتحركش
5- الزنة اللى بعد 3000 rpm بحس إن العربية بتزن
6- الفرامل ضعيفة بس ده لأنى مرة مشيت حوالى 2 كم وفرامل اليد مرفوعة فلاقيت دخان طالع من العجل الورانى
7- لما باجى ألف الدريكسيون على أخره بسمع صوت تزييق
8- بسمع صوت سكسكة جاى من ناحية العجا الورانى خصوصا لما بكون ماشى جنب رصيف عالى و ماشى بطيىء
ياريت ياجماعة حد يعلق  |
اولا الف مبروك على العربيه وربنا يديك خيرها ويكفيك شرها
موضوع العضه دى لان حضرتك فى اللوجان لما تيجى تجيب غيار لازم تدوس على دواسه الدبرياج على الاخر وده لان نقطه الفصل فى الدبرياج بتاع اللوجان فى اخر الدواسه
وموضوع التبطيل ده لان لازم تدوس بنزين زياده شويه لما تيجى تطلع مطلع او مطب علشان تغزى الموتور ويقدر يحرك العربيه
موضوع المرشدير ده سببه ان حضرتك مبتجبش الغيار فى مكانه الصحيح وعلشان تجيب مرشدير حرك الفتيس زى الرسمه الموجوده على الفتيس وهو هيجى بسهوله ان شاء الله
معرفشايه موضوع الزنه دى
موضوع الفرامل فى اللوجان لازم تدوس على دواسه الفرامل زياده سنه وهتجمع معاك عادى ان شاء الله وموضوع فرامل اليد وتاسيرها مش عارف
لو صوت التزييق ده من حركه الكاوتش مع الارض يبقى عادى طالما هو مش من الدركسيون نفسه
اخر حاجه دى انا مفهمتهاش يريت حضرتك توضح اكتر وشكرا
