رد: تقرير عن الأسطورة تويوتا كورولا 2014 بالأسعار و الصور
الف شكر على التقرير
ربنا يجازيك خيرا
العربية انا شايف ان سعرها عالى شوية على إنها تجميع تركى امال لو كانت يابانى 100% كانت هتبقى بكام
لكن نقول ان السعر يعتبر تنافسى مقارنة ببنت بلدها الهوندا سيفك
اكتر حاجة عجبانى موضوع ال 8 ايرباج والتصفيح اللى ضد الصدأ
موضوع جمال الشكل ده ازواق وأنا شايف ان الكورولا عمر ما كانت مميزة فى الشكل (لا أقول عنها انها وحشة) يعنى عمر ما كان شكلها يخطف الانظار أو لها تصميم ثورى بالعكس معظم الموديلات السابقة كانت كلاسيكية ولما كانوا يحبوا يعملوا فيه شوية حركات كانت تبوء بالفشل ولعل موديل 1998 و 2008 خير مثال
الشكل الجديد لاهو تصميم ثورى ولا هو كلاسيكى حاجة كده سمك لبن تمر هندى مقدمة ببوز غريب وشكله هيكون البوز المميز لكل موديلات تويوتا فى العقد القادم وخلفية كلاسيكية غير متناسقة مع المقدمة لكن السيارة كشكل عام مقبولة
انا اتوقع للموديل الجديد النجاح خصوصا لما تقارن الامكانيات بالسعر مع سيارات اخرى من نفس الفئة
معلومة على الماشى : سكودا اوكتافيا A7 اعلى فئة ب 273 الف جنيه مصرى فقط لاغير
__________________
د / محمد
إن الله لا يصلح عمل المفسدين
|